Wendy Traka

Depi Wikipedya, ansiklopedi lib
(Depi paj redireksyon « Itilizatè:Benoit Jean Robert Junior/bouyon »)
Èd:Ajoute yon referans /Lis konplèt
Wendy Traka
Image illustrative de l’article Wendy Traka
Enfòmasyon jeneral
Non nesans Duvert Wendy
Dat nesans (34 ane)
Lye nesans Leyogàn
Peyi nesans Ayiti
Nasyonalite Ayisyen

Duvert Wendy, rele Wendyyy Traka, ki fèt 23 mas 1989 nan Leyogàn (Ayiti), se yon rapè ayisyen.

Biyografi[modifye | modifye kòd]

Wendyyy fèt Leyogàn nan lane 1989. Lè li gen 11 zan, li te kite Ayiti pou ale Gwadloup, li te ale kontinye etid klasik li. Li leve nan yon fanmi 3 pitit, yon frè ak yon sè. Kòmansman Wendy nan rap se lakou rekreyasyon pandan lekòl, te toujou gen freestyle, yon jou li patisipe, e li vinn fè tout moun renmen li touswit Li kreye estidyo pal, siksè san atann sa vinn gen enpak sou rezilta lekòl li paskel patap pase dezè sanl pa nan stidyo a. An 2005 li fè premye aparisyonl sou sèn nan yon niayklib, 590 jarry ki pap janm sot nan memwa li. Konsyan de mwayèn li ki fèb lekòl, li fè yon ti poze san li pa sispann ekri. Nan lane 2006, li te soti premye mizik li men ki pat mache avèk yon lòt rapè ki rele Lil G, yon ane aprè li soti yon mizik ki rele Traka , mizik lan telman fè gro enpak li tou deside ajoute li nan non atis li epi kòm non estidyo li.[1]

Nan lane 2010 sou pwòp labèl li, Traka records, Wendyyy soti yon mixtape ki gen 18 mizik sou li, premye jiyè 2013 nan yon entèvyou ak Ticket magazine, Wendyyy deklare ke li pa pè okenn lòt rapè e ke li se pi gwo rapè nan moman an, ke si yo ap pale de rap yo oblije wè li, paske li se rapè radyo jwe mizik li mwens e yo tande li plis.

An 2016 li soti dezyèm albòm li ki rele indetronable avèk kolaborasyon anpil atis tankou Fatima, Jbeatz, Big Jim, Toby ak kèlke lòt toujou, albòm nan te byen mache e li te fè plis siksè ke anvan, sou albòm sa a gen yon tit ki se Dekontwole ke anpil jèn te renmen e mizik sa te jwe prèske tout kote ou pase nan kapital la ak kèk lòt vil nan peyi a.

Tèlman albòm nan te byen mache, Ticket Magazine te nonmen li (albòm lane 2016).

27 desanm 2017 Wendyyy òganize premye konsè li leyogàn, yon gwo konsè rap kreyòl.

27 oktòb 2018 sou kont Instagram li, li anonse twazyèm albòm li ki se King Rete King kap soti 27 novanm 2018 nan Leyogàn e fanatik yo pat kache koman yo patka tann albom nan soti anko, li jwenn kolaborasyon kèk atis ki trè popilè tou sou albòm nan tankou Paska, Troubleboy, Medjy Enposib, Steve J Bryan, Baky ak Big Jim epi te gen anpil rimè kap sikile nan Lari ak sou rezo sosyal yo sou atis la ki fè kwè «Marly Edouard» pa manager Wendy anko e ke «Shishie ak Wendy ansanm».

4 novanm 2019, Wendyyy pral enkyete fanatik li yo nan yon ti videyo kèlke segond ki tap sikile sou tout rezo sasyal yo kote li tap tann yon vol pou li ale Matinik akonpanye avèk Shishie nan ayewopò Tousen Louvèti, tout moun te remake li fè yon kriz panik, chak moun tap eseye entèprete sa ki rive a nan fason pa yo, touswit aprè li soti yon mizik ak tout videyo li ki se esponsò. Yon mwa aprè tout moun tap enkyete yo akòz sante rapè a, li anonse sou kont facebook nan yon videyo li ke li pap janm pèfome sou sèn pou pwoteje lavi li men li ap toujou kontinye fè mizik, e li anonse ke li ap pran yon poz ki ka pran 4 ane jiska 5 ane, li pat ekate posiblite pou òganize yon dènye espektak pou satisfè fanatik li yo, nouvel la fè anpil pale sou rezo sosyal yo ,e li fè konnen ke li gen kolaborasyon ak 2 atis evangelik, Frè Gabe ak Stanley Georges. Jiska aprè piblikasyon sa yo pèsonn pa konn ki maladi atis la soufri men fanatik yo lonje dwèt sou Troubleboy kòm kwa ki ta atake atis yo a nan mistik.

Aprè yon long tan silans 4 jiyè 2020 nan yon piblikasyon sou kont Instagram li <li lè pou nou rasanble, chinwa> 25 jiyè li bay dat ki se 23 out 2020, randevou ak fanatik li yo ke depi yon ti tan ke li rele Chinwa pou yon sware ke li rele «one night only» yon live sou sit entènèt www.theplugnetwork.com oubyen telechaje aplikasyon an pou 5 dola ameriken, e menm achte yon kat pou 500 goud, gen kèlke chinwa ki te vle dezapouve Wendy, touswit li fè yon tweet « Menm si ou ta fè PATI de FANATIK ki pa gen MWAYEN  pou peye 5$ ke m KONPRANN men fòk ou ta ENSANSE pou w ta di m envesti pou m FÈ LIVE la 5$ pou w ap plenyen. CHINWA ou gen ON MWA DEVAN W ou gen tout OPSYON si w pa Gen KAT KREDI, ap gen KAT DISPONIB FIZIK pou w ACHTE ap gen MONCASH »

23 out jan sa te pwomèt Wendy fè live la, chita, abiye an blan ak yon vizaj ke tout moun remake ki toumante. Li kòmanse ak mizik li ki se Lavi bèl men nou egoyis li kontinye ak nou fake, 2 mizik tris ki baze sou ipokrizi ak jalouzi, lale pou yon twazyèm Edem gen moun ki pa te ka kwè, Wendy 2 men anlè, aprè sa li te vinn ak lòt mizik ke fanatik yo apresye tankou Idéal, M'aprann, lanmou chen ak chat , vizaj li te vinn chanje, sware a te kontinye trè byen ak Dekontwole, Majeste, "M tounen pi red, Tout bagay sou Kontwol, Jalou, Lem vle, pami 15 mizik ki te nan meni One night only a.

Sou 10 fevriye 2021, Wendy anonse projè li pral parèt an fòma seri, seradi pa sezon ak pa epizòd. LVAR (Longue vie au Roi) se premye projè li.[2]

Lavi prive[modifye | modifye kòd]

Wendyyy te nan relasyon ak Shishie men yo arive kite pou rezon pèsonn pa konnen.

Wash la[modifye | modifye kòd]

Diskografi[modifye | modifye kòd]

Albòm[modifye | modifye kòd]

EP[modifye | modifye kòd]

Mikstèp[modifye | modifye kòd]

  • 2010 : Making Love
  • 2017 : G-Bobby Mixtape

Mizik[modifye | modifye kòd]

  • 2006 :Traka
  • 2010 : Pa Gen nivo
  • 2013 : Lanmou
  • 2013 : W anle
  • 2013 : The King is back
  • 2013 : Je suis fous d'elle (feat K-Libr)
  • 2013 : Ou soud (feat Big Jim & Legendary)
  • 2013 : Edem
  • 2013 : M'anmekde yo
  • 2013 : Révolution
  • 2013 : Rap en personne
  • 2013 : Majeste
  • 2013 : Yo mele
  • 2014 : Idéal
  • 2015 : Intro (GBobby)
  • 2015 : Clair ne
  • 2015 : True rap
  • 2015 : Traka pi red
  • 2015 : True story
  • 2015 : Yo konn sa
  • 2016 : Intro (Wendyyy vs Wendyyy)
  • 2016 : Fel Konfyans
  • 2016 : Ou tou dil
  • 2016 : Mwen regret (Feat Jbeatz)
  • 2016 : Komanw fèl (feat Magic Touch)
  • 2016 : M bezwen lanmou
  • 2016 : Diferans lan
  • 2016 : Nou Fake
  • 2016 : Steevie Wonder
  • 2016 : M Jwenn Li
  • 2016 : Sann Pa Bezwen Hook
  • 2016 : Ansanm (feat Shishie)
  • 2016 : Dekontwole
  • 2016 : Kotew te ye (Feat Richard Cavé)
  • 2016 : Nou Fè Yo Wont
  • 2016 : Indetronable
  • 2017 : Livrezon
  • 2017 : On Dous On Cho
  • 2018 : A Qui Veut L'entendre
  • 2018 : An'n Swich (feat Paska)
  • 2018 : Hein Hein (feat Thelot )
  • 2018 : Zombi Goute Sèl
  • 2018 : Tout Bagay Sou Kontwol (feat Steve J Bryan)
  • 2018 : Koupe (feat Troubleboy Hitmaker)
  • 2018 : Paka Viv Avel, Paka Viv San Li (feat Shishie)
  • 2018 : Fèl Jalou
  • 2018 : Lem Vle
  • 2018 : Apa li papa (feat Baky & BigJim)
  • 2018 : Kèl al a kèm (feat Medjy)
  • 2018 : King Rete King
  • 2018 : M'aprann (feat Jeff Prosper)
  • 2018 : Ayibobo
  • 2019 : Sponsor
  • 2019 : Chinwa Gang
  • 2021 : Long vi
  • 2021 : Sil Pa Nou Li Pa Bon

Referans[modifye | modifye kòd]

  1. (franse) fr« Wendyyy, la nouvelle étoile du rap ». lenouvelliste.com. Retrieved 15 desanm 2020. 
  2. (franse) fr Diery Marcelin (10 fevriye 2021). « Wendyyy : des projets en série ». lenouvelliste.com. Retrieved 13 fevriye 2021. 

Lyen deyò[modifye | modifye kòd]