Baky Popilè

Depi Wikipedya, ansiklopedi lib
Aller à la navigation Aller à la recherche
Baky Popilè
Ajoute yon foto nan bwat sa a}}
Fonksyon:Rapè, chantè, ekriven
Domèn:mizik, rap
Eta sivil
Dat nesans:6 me 1991
Lye nesans:Okay
Peyi nesans:Ayiti
Nasyonalite : Ayisyen


Gade kouman pou ou konplete biyografi sa : biyografi


Baptista Lugendy St-Hubert, rele Baky Popilè oubyen Baky, ki fèt 6 me 1991 nan Okay (Ayiti), se yon rapè e yon chantè ayisyen.

Biyografi[modifye | modifye kòd]

Baky fèt e grandi Okay nan depatman Sid. Papa li se yon pastè e manman li se yon enfimyè. Ansanm yo gen 4 piti gason. Baky se dènye. Li leve nan yon fanmi kretyen epi mizikal. Manman li jwe gita ak pyano. Tout frè li yo jwe gita. Akòz anbyans mizikal sa nan fanmi an, li devlope li li menm. Li kòmanse karyè li nan chante lè gita ap jwe. Li ta pral tante chans li nan yon estil mizikal ki enfliyanse jèn yo anpil ki se rap e sa reyisi li.

Baky gen fanmi nan Gwo Mòn. Li gen yon frè ki se yon chantè tou, Guerby. Akote mizik, Baky renmen jwe PlayStation, vwayaje, manje epi pran plezi ak zanmi li. Premyè lekòl Baky te Frè Jérôme nan vil Okay. Baky se yon ansyen elèv Kolèj Sen Jan (Collège Saint Jean).

Li te chanpyon nasyonal nan kategori anba 12 zan nan pingpong. Se te yon gwo viktwa, li bat tout moun. Se poutèt sa ti non Baky Popilè. Baky ap pataje lavi li avèk Ann Glory Cajour.

Karyè[modifye | modifye kòd]

Premye pwojè mizikal li rele Mwen Popilè. Mizik sa te yon esè e li pa konsidere li tankou premyè mizik ofisyèl. Nan dat 1e desanm 2012, li monte sou sèn pou tout premyè fwa avèk Trouble Boy.

Paske’m se ayisyen se premye mizik ofisyèl li pibliye e soti nan mwa janvye 2012 pandan li te ap viv nan Dominikani pou pouswiv etid inivèsitè li nan domèn jeni sivil. Nan mizik sa li degaje fristasyon majorite Ayisyen genyen akòz nasyonalite yo fas a etranje. Li denonse abi, enjistis ak inegalite. Se te premye gwo siksè li. Touswit yon remiks sòti ak kolaborasyon plizyè atis nan rap kreyòl tankou Dug-G, Wendyyy, K-Lib, Rhéal Adolphe ak Vanessa Désiré. Siksè sa te pral atire anpil moun e te fè li siyen yon kontra ak labèl RKM Records.

Nan repètwa mizikal li gen 3 mikstep ak 2 albòm.

Pami pi gwo hit li yo, nou jwenn: Si m te konnen feat Kenny, Bon pou mwen feat Kanis & Michael Guirand, Pote l ban m feat Medjy, Doub Blan, Prends bien soin d'elle feat Flav, W andanje, Koupab feat Joseph Zenny, César, Haiti pa m nan diferan feat J. Perry, Sikatris feat Joseph Zenny,

Polemik[modifye | modifye kòd]

Baky konsidere tout polemik tankou yon konpetisyon e non yon konfli pèsonèl avèk konpetitè anfas li. Li eksplike sa konsa : « Mwen menm, m te toujou gen yon egzanp ke m vle bay, petèt ke jan beef te konn ap fèt anvan mwen m pa t vle sa, se sa m te toujou ap preche nan mizik mwen. Gen yon lòt imaj ke m te vle bay kote yon beef ka fèt mizikalman pou montre kijan entèl pi fò, se konpetisyon li ye, li pa fòseman depi mwen wè misye fò m al goumen avè l, fò m al rale zam sou misye. »

Premyè polemik Baky te fas a P-jay ki se yon ansyen rapè nan labèl RKM Records. Konfli a kòmanse an 2013 sou Level Remix ki te gen sou li : Baky, Wendyyy,P-jay. Se te premyè fwa twa (3) atis a beef lòt sou yon menm bit. Esè sa pral tounen yon gwo eksplwa. Polemik sa pral pouswiv sou mizik Kiyès Sa ak La pa la m vre.

Dezyèm polemik Baky te fas a Roody Roodboy, yon ansyen pwòch. Li kolabore anpil avèk li sou plizyè mizik tankou Inosan,Survivor ak Mwen grandi. Menm Baky pa konnen orijin konfli sa a. Sou menm sijè sa, nan yon entèvyou, li fè avèk Guy Wewe an 2021, li fè konnen : “... nou te byen, jiskaprezan m ap chèche kot pwoblèm Roody a kòmanse m pa konnen li, onètman”. Jou ki te pral 12 novanm 2017 (nan yon peryòd mezantant ant Roody e TroubleBoy epi yon chanson Roody ki rele Tranble ap mache), sou mizik Koudeta feat Wendyyy, Baky lanse yon ti pik pou Roody : “W ap toujou pran nan Trouble si fanm fè w tranble”. Roody pral reponn Baky nan Zokoko ak P-Jay & Master Brain. Nan mwens ke 24è, Baky pral reponn Roody epi P-Jay avèk Doub Blan ki selon li menm pi bon fason pou reponn yon konfli.

Pami lòt atis Baky nan polemik dirèk ak endirèk, genyen : Thelo, Bob Cailloux, Big Fa, ak Brital.

Sponsò[modifye | modifye kòd]

Sponsò Baky yo se "Paryaj Pam, Natcom, Panas ak Point Chaud".

Zèv li yo[modifye | modifye kòd]

Senp[modifye | modifye kòd]

  • 2012 : Paske m se ayisyen
  • 2012 : Sexfriend Remix feat Jo Wayne
  • 2012 : Real Huslerz Remix feat DC $tratejik
  • 2013 : Level Remix feat Wendyyy & P-Jay
  • 2013 : Kiyès sa
  • 2013 : La pa la m vre
  • 2014 : Survivor feat Ecally & Ded Krazy & Roody Roodboy
  • 2016 : W andanje
  • 2017 : 286
  • 2017 : Doub Blan
  • 2020 : Pote l Ban m feat Medjy
  • 2020 : DM
  • 2020 : Asasen
  • 2021 : Mete Limyè Sou Mwen

Mikstèp[modifye | modifye kòd]

  • Avan m siyen
  • Chocolats en paroles
  • Pral gen rèl

Albòm[modifye | modifye kòd]

  • Fos Yon Black[1]
  • Echec et mat

Referans[modifye | modifye kòd]

  1. (franse) fr Sindy Ducrepin (8 jen 2018). « Les premières fois de Baky Popilè ». lenouvelliste.com. Le Nouvelliste. Retrieved 26 mas 2022. 

Lyen deyò[modifye | modifye kòd]