Wikipedya

Depi Wikipedya, ansiklopedi lib
Sauter à la navigation Sauter à la recherche

Wikipedya se yon ansiklopedi lib, ki pa koute lajan e ki egziste nan plizyè lang. Nenpòt ki moun ka patisipe pou ekri atik nan ansiklopedi sa a. Asosyasyon ki òganize sit sa rele Fondasyon Wikimedya. Ou ka jwenn plis enfòmasyon sou paj sa a.

Siyifikasyon de non[edite | modifye sous]

Non Wikipedya vini de de (2) mo :

  • Wiki, vini de wiki wiki, ki siyifye rapid nan lang hawayi, e yon bagay ou ka modifye kòm Entènet
  • pedya, vini de paideia, ki siyifye edikasyon nan lang grèk.

Wikipedya se yon konesans ka toujou evolye.

Karakteristik Wikipedya[edite | modifye sous]

Pwojè Wikipedya gen twa (3) karakteristik prensipal ki ka eksplike poukisa li inik :

  • Premyèman pwojè sa a se redaksyon yon ansiklopedi. Wikipedya se pa yon diksyonè tankou Wiksyònari.
  • Dezyèmman pwojè a se yon wiki. Yon wikiwiki pèmèt tout moun pou yo ka edite yon paj. Wikipedya se premye ansiklopedi jeneral ki itilize teknik sa a.
  • Nou ka reyitilize enfòmasyon yo : n ap itilize Lisans dokimentasyon lib GNU an. Se yon lisans ki otorize tout moun kopye, chanje epitou distribye enfòmasyon ki sou Wikipedya yo, daprè sa Lisans dokimantasyon lib GNU an di. Nou oblije kenbe menm lisans sa a pou kopi konfòm yo ak pou kopi modifye yo, menm jan nou oblije di enfòmasyon sa yo vini de Wikipedya epitou kiyès ki ekri yo.

Istwa[edite | modifye sous]

Wikipedya te fonde pa Jimmy Wales ak Larry Sanger nan lang angle sou 15 janvye 2001. Vèsyon franse se te premye ki te nan yon lòt lang ke anglè. Vèsyon ayisyèn kòmanse 29 out 2004. Kounye a Wikipedya egziste nan plis pase 200 lang.

Ou ka wè sa tou[edite | modifye sous]