Aller au contenu

Nèg Mawon (estati)

Depi Wikipedya, ansiklopedi lib
Estati Nèg Mawon (Mawon Enkoni)

Nèg Mawon oubyen Mawon Enkoni an se yon estati an bwonz ki reprezante yon esklav ki sove, pi byen konnen kòm yon mawon, kanpe nan sant Pòtoprens, Ayiti. Nan dat 22 septanm 1967 Albert Mangonès, yon achitèk ayisyen, fini estati a konsidere kòm yon senbòl liberasyon nwa;[1] ki komemore an patikilye, rèl rasanbleman ki te pwovoke Revolisyon Ayisyen an ak abolisyon esklavaj la. Sitiye anfas Palè Nasyonal la,[2] li se reprezantasyon ki pi ikonik nan batay pou libète a.[3],[4]

Deskripsyon[modifye | modifye kòd]

Mangonès te fini estati a 22 septanm 1967.[5] Li mezire 3,60 mèt longè ak 2,40 mèt wotè.[6] Li reprezante an bwonz yon nonm nwa prèske toutouni, ajenou sou yon jenou, tòs li voute, janm opoze li lonje dèyè, ak yon chenn kase sou cheviy gòch li. Li kenbe yon konk nan bouch li ak men gòch li, tèt li panche anlè pou soufle li, pandan lòt men an kenbe yon machèt atè nan cheviy dwat li.[7],[8],[6]

Estati a nan yon eta sal depi kèk tan nan kè Channmas la. Li se atake pa vèdegri.[9] Flanm dife etènèl li a te etenn.[10]

Mangonès te chwazi yon pasaj ki soti nan 1 Makabe 14:3-9 nan Labib Jerizalèm pou mete li an lèt kuiv sou youn nan de (2) panno konkrè ki pwoteje "flanm etènèl" libète a nan pak ki antoure estati a.[6]

Itilizasyon[modifye | modifye kòd]

An 1989, Nasyonzini te adopte estati a kòm yon ikòn santral sou tenm pou komemore Atik 4 nan Deklarasyon Inivèsèl Dwa Moun ki di, "Pèsonn pa dwe kenbe nan esklavaj oswa nan sèvitid; esklavaj ak komès esklav la dwe entèdi nan tout fòm yo."[3],[4],[11],[12]

Galri foto[modifye | modifye kòd]

Referans[modifye | modifye kòd]

  1. (angle) en « Embassy of the Republic of Haiti - Haiti's Landmarks. ». Archived from the original on 2016-03-10. Retrieved 9 mas 2016. 
  2. Philippe R. Girard (2 novanm 2011). The Slaves Who Defeated Napoleon: Toussaint Louverture and the Haitian War of Independence, 1801-1804. University of Alabama Press. p. 191. ISBN 978-0-8173-1732-4. 
  3. 3,0 et 3,1 (franse) fr Comité National Pour La Mémoire et l'Histoire de l'Esclavage - Statue du Marron Inconnu
  4. 4,0 et 4,1 (angle) en Press (Obituaries, PASSINGS), ed. (27 avril 2002). « Albert Mangones, 85; His Bronze Sculpture Became Haitian Symbol ». LA Times. Retrieved 9 mas 2016. 
  5. (franse) fr Alphonse, Roberson, ed. (15 me 2012). « Le Marron inconnu vandalisé et la flamme éternelle éteinte ». Le Nouvelliste. Archived from the original on 2016-03-10. Retrieved 9 mas 2016. 
  6. 6,0 6,1 et 6,2 (angle) en Lorraine, Mangones (ed.). « Le Marron Inconnu (The Unknown Runaway Slave) ». Directions 4 (1): 62. Retrieved 9 mas 2016. 
  7. Bell, Beverly, ed. (2013). Fault Lines: Views across Haiti's Divide. p. 32. ISBN 9780801452123. Retrieved 6 avril 2016. 
  8. (angle) en Mukherjee, Jola Dr, ed. (20 mas 2010). « History May Be Haiti's Greatest Resource ». Huffington Post. Retrieved 7 avril 2016. 
  9. (franse) fr Michelson Césaire (28 mas 2022). « Nos héros agonisent au Champ de Mars ». lenouvelliste.com. Le Nouvelliste. Retrieved 30 mas 2022. 
  10. (franse) fr Michelson Césaire (10 novanm 2021). « La deuxième mort du Nègre Marron ». lenouvelliste.com. Le Nouvelliste. Retrieved 30 mas 2022. 
  11. (franse) fr United Nations - The Universal Declaration of Human Rights
  12. (franse) fr Mangonès, Fréderick, ed. (8 jiyè 2014). « Le Marron Inconnu d'Albert Mangonès ». Le Nouvelliste. Archived from the original on 2016-03-10. Retrieved 9 mas 2016. 

Lyen deyò[modifye | modifye kòd]