Mikaben
Mikaben
|
Michael Benjamin Mikaben
| |
 Michael Benjamin | |
| Enfòmasyon jeneral | |
|---|---|
| Dat nesans | |
| Lye nesans | Pòtoprens |
| Peyi nesans | Ayiti |
| Dat lanmò | (ak 41 ane) |
| Lye lanmò | Pari |
| Peyi lanmò | Frans |
| Aktivite | mizisyen, chantè, konpozitè |
| Nasyonalite | ayisyen |
| Konpozisyon mizikal | |
| Gwoup | Krezi Mizik |
modifye  |
|
Michael Benjamin, rele Mikaben, ki fèt 27 jen 1981 nan Pòtoprens (Ayiti) epi ki mouri 15 oktòb 2022 nan Pari (Frans), se yon chantè, konpozitè, gitaris ak pwodiktè, ayisyen.
Biyografi[modifye | modifye kòd]
Anfans[modifye | modifye kòd]
Mikaben te fèt an 1981 nan Pòtoprens. Li se pitit chantè Lionel Benjamin e li te grandi anba enfliyans mizik.[1]
Mikaben konn chante an kreyòl, franse, angle ak panyòl. Li te dekouvri yon pasyon pou mizik trè byen bonè. A laj 15 zan, li te deja ofri piblik la premye konpozisyon li. A laj 16 ane, li te deside kite pou Kanada pou kontinye etid li. Li kontinye konsakre tèt li nan mizik li.
Karyè mizikal[modifye | modifye kòd]
Karyè li te kòmanse nan fen ane 1990 yo nan Monreyal, lè li te genyen premye pri nan yon konpetisyon chante Telemax te òganize nan okazyon Nwèl la. An 2005, li te vin chantè gwoup konpa Krezi Mizik li fonde.[2] Li te patisipe nan pwodiksyon plizyè tit gwoup Carimi. An 2009, apre li te kite gwoup li a, li te rekòmanse yon karyè solo.
Nan ane 2016, li te akonpaye pa direktris biwo dwadotè ayisyen an, Emmelie Prophète, atis J. Perry ak avoka li mèt Georges Andy René, li te siyen yon kontra lisans ak distribisyon ak konpayi mizik entènasyonal "Warner Music France" pou mizik li ki gen tit Ti pam nan ak pou distribisyon kat (4) albòm konplè.[3]
Nan mwa me 2018, li te pibliye katriyèm albòm solo li a, MKBN, an kolaborasyon avèk vedèt tankou Elephant Man ak Kevin Little. Sou 28 jen 2018, ansanm ak plizyè atis ayisyen kou etranje tankou Princess Eud, Kevin, BélO, Richard Cavé, Admiral T, Esy Kennenga, Paska, Meilan, K-Dilak, Diggy Dread, Masterbrain, ak J. Perry, li nan konsè nan otèl El Rancho nan okazyon anivèsè nesans li pou prezantasyon katriyèm albòm.[1] Festival a "Nuits d'Afrique" ak festival "reggae" a se de (2) evènman ki vrèman make atis la. Anplis de tandans li genyen pou mizik afriken an, paske li deklare dènye a fè pati rasin li e kòm mizisyen.[4] Li jwe plizyè enstriman : pyano, gita, bas ak tanbou.[5]
Lanmò[modifye | modifye kòd]
Gwoup ayisyen Carimi te envite li pou selebre retwouvay manm yo apre separasyon yo an 2016. Mikaben te mouri Pari 15 oktòb 2022 nan konsè a nan Accor Arena. Pandan pèfòmans li[6],[7] li te fè yon kriz kadyak sou sèn epi li te tonbe yon ti tan apre malgre masaj kadyak sekouris yo te bay.[8]
Lavi prive[modifye | modifye kòd]
Michael Benjamin te marye ak Vanessa Fanfan an 2020. Yo genyen yon pitit fi, Leïa, ki fèt an 2021. Nan mwa out 2022, yo anonse yo ap prepare pou akeyi yon dezyèm pitit pou mwa desanm nan.[9] Chantè a gen yon pitit gason, Gaby, ki fèt an 2010, avèk yon lòt madanm.
Diskografi[modifye | modifye kòd]
Albòm[modifye | modifye kòd]
- Novanm 2006 : Ayiti San Manti, premye albòm Krezi Mizik
Solo[modifye | modifye kòd]
- 2000 : Vwayaj
- 2004 : Mikhail
- 2021 : Mwen pares [10]
- 2021 : Fe lapli
Referans[modifye | modifye kòd]
- ↑ 1,0 et 1,1 (franse) fr « Mikaben a célébré son anniversaire en chantant/ Concert/ Album release ». elinefleury.com. Eline Magazine. Retrieved 16 oktòb 2022.
- ↑ « Michael Benjamin music, videos, stats, and photos ». Last.fm. Retrieved 16 oktòb 2022.
- ↑ (franse) fr « Mikaben signe un contrat avec Warner Music France ». metropole.ht. 13 out 2016. Retrieved 16 oktòb 2022.
- ↑ Anne-Lovely Étienne. « Les coups de cœur de... Michael Benjamin « Mikaben » ». journaldemontreal.com. Le Journal de Montréal. Retrieved 16 oktòb 2022.
- ↑ (angle) en « Haitian singer Mika Ben dies during concert in France ». stvincenttimes.com. St Vincent Times. Retrieved 16 oktòb 2022.
- ↑ (franse) fr « Le chanteur Michael Benjamin terrassé par une crise cardiaque en plein concert de Carimi à Paris ». la1ere.francetvinfo.fr. Martinique la 1ère. Retrieved 16 oktòb 2022.
- ↑ (franse) fr Billy Doré (16 oktòb 2022). « Coup dur pour le HMI, Mikaben « Pati kite mwen » ! ». hebdo24.com. Hebdo24. Retrieved 16 oktòb 2022.
- ↑ (franse) fr Paule-Vanessa Lindor (16 oktòb 2022). « L'artiste Mikaben est mort en plein concert à Paris, suite à un arrêt cardiaque ». Célébrité Magazine. Retrieved 16 oktòb 2022.
- ↑ (franse) fr « Mikaben et sa femme attendent un deuxème bébé | Loop Haiti ». Loop News. Retrieved 16 oktòb 2022.
- ↑ (franse) fr « Mikaben de haïti ». Popnable.com. Retrieved 16 oktòb 2022.
Lyen deyò[modifye | modifye kòd]
- Sitwèb ofisyèl Mikaben
- Mikaben sou IMDb
- Mikaben sou discogs.com
- Mikaben sou musicbrainz.org
- Mikaben sou bnf.fr