Yole Dérose
| Yole Dérose |
|
| Fonksyon:chantèz |
| Domèn:mizik |
| Eta sivil |
|---|
| Dat nesans:5 avril 1955 |
| Lye nesans:Pòtoprens |
| Peyi nesans:Ayiti |
| dat lanmò : 17 janvye 1998 () |
| Nasyonalite : ayisyen |
Gade kouman pou ou konplete biyografi sa : biyografi |
Yole Ledan, rele Yole Dérose, ki fèt 5 avril 1955 nan Pòtoprens (Ayiti) epi ki mouri 17 janvye 1998, se yon chantèz ayisyèn.
Biyografi[modifye | modifye kòd]
Li kòmanse chante avèk koral nan legliz. Li te enterese fè teyat, mannkina, travay ajil, desen ak sitou dans. Li etidye chante avèk Lina Mathon-Blanchet.
Li rankontre Ansy Dérose, nan Festival entènasyonal la, «Super Franco fête» nan Kanada. Yole Ledan te gen 20 ane lè li marye avèk Ansy Dérose, chantè ki pi popilè nan epòk li e ki pi pwodiktif Atis Ayiti pwodui. Yole Dérose kòmanse karyè li tankou chantèz nan zenkyèm "Festival International de la Chanson et de la Voix" (Festival entènasyonal Chanson ak Vwa) nan mwa oktòb 1979 avèk chanson la Merci devan yon piblik latino-ameriken. Ansy vin pi bon otè-konpozitè ak entèprèt ayisyen.[1]
Yole travay avèk Ansy pandan plis pase 20 ane. Ann Ayiti, li patisipe plis pase 70 espektak ak anpil tournen nasyonal. Li chante nan meyè sal teyat nan Kanada e Ozetazini : nan Nouyòk nan Carnegie Hall, nan Brooklyn Academy of Music, nan Boston, nan Chikago, Wachintòn, Òlando… Li patisipe avèk siksè nan plizyè konpetisyon entènasyonal, sitou nan Pòtoriko ak nan Meksik.
Li fè etid nan Administrasyon ak pandan uit (8) ane li dirije «Ateliers Créations et Productions Ansy Dérose» ki favorize travay sou Dekorasyon, bwa, fè, metal… Pandan senk (5) ane, li te tou responsab jesyon «Atelier-Ecole du CECAP», yon òganizasyon pou timoun ak jenn moun an difikilte. Li te ensèyant ak kòdonatris nan aktivite kiltirèl CECAP.
Zèv li yo[modifye | modifye kòd]
- Merci
- Yo gen lontan
- Tounen
- Tonton Nwèl Cheri
- La womann
- Il n’y a que toi
Referans[modifye | modifye kòd]
- ↑ (franse) fr Winnie Hugot Gabriel (20 mas 2015). « Hommages à Yole Dérose ! ». lenouvelliste.com. Le Nouvelliste. Retrieved 18 mas 2022.
Lyen deyò[modifye | modifye kòd]
- Yole Déros sou lesproductionsyd.com
- Grandes dames de la musique haïtienne sou issuu.com