Unibank

Unibank, S.A. se yon bank ayisyen. Li se youn nan kat (4) bank prive yo men jan avèk Sogebank, Capital Bank e Bank Linyon ayisyèn e li se pi gwo bank nan sektè a ann Ayiti.

Istwa

Bank sa a fonde an 1993 pa yon gwoup envestisè ayisyen. Li se pi jèn bank ayisyèn ki genyen epi li se prensipal aksyonè nan Gwoup finansye nasyonal la (GFN). Unibank louvri pòt li nan mwa jiyè 1993 nan sant vil Pòtoprens e nan fen ane 2017 la, yo te genyen 51 sikisal atravè tout peyi a.^[1]

Nan lane 2010, an patenarya ak Comcel, Unibank vini ak tranzaksyon mobil an Ayiti, kote ki gen 85 % moun kap itilize telefòn selilè pandan ke pa gen ase sikisal bank pou moun sa yo.

Nan lane 2013, nan okazyon selebrasyon 20yèm anivèsè li, bank la fè yon don 1 milyon dola ameriken (1 000 000 USD) bay Fon Espesyal pou Edikasyon Fondasyon Unibank lan pou sektè edikasyon a ann Ayiti.

Nan mwa janvye 2016, Unibank fè akizisyon GB Gwoup (50 %) ki soti nan Distribitè Nasyonal, SA (DINASA), ki se pi gwo rezo estasyon sèvis (ponp gaz) nan Ayiti ke tout moun konnen sou non National epi li kenbe tout aksyon li yo tou. Sou 28 desanm 2016, Unibank fè akizisyon tout operasyon Scotia Bank an Ayiti. Nan fen mwa avril 2017 la, li vann DINASA bay yon gwoup fransè ki rele Rubis.

Jodi a Unibank se yon gwoup bankè avèk anpil filyal ak yon fondasyon, yo chak konsantre nan yon aktivite finansyè byen espesifik :

Unicarte (Kat kredi)
Unifinance (Bank envestisman)
Unicrédit (Kredi konsomatè)
IMSA (Pwomosyon nan byen imobilye)
SNI (Jesyon byen)
Capital Consult (Konpayi pou konsiltasyon)
Unitransfer (Transfè labank)
Mikwo Kredi nasyonal (Mikwo-kredi)
UniAssurances (Asirans)
Fondasyon Unibank (Filantwopi)

Nan mwa oktòb 2023, Carl Braun, te parèt sou yon lis biznisman ayisyen ki, daprè otorite Kanadyen yo, "kache dèyè vyolans ak enstabilite ann Ayiti lè yo patisipe nan koripsyon ak lòt zak kriminèl, epi lè yo pèmèt gang ak zam fè aktivite ilegal ki teworize popilasyon an epi menase lapè ak sekirite ann Ayiti.^[2]

Referans

↑ fr « Mission et Historique ». Retrieved 22 out 2018.
↑ Canada, Affaires mondiales (2023-09-21). « Le Canada impose des sanctions supplémentaires à l’encontre de membres de l’élite économique haïtienne ». Retrieved 2023-10-13.

Lyen deyò

[1] r « Mission et Historique ». Retrieved 22 out 2018.

[2] Canada, Affaires mondiales (2023-09-21). « Le Canada impose des sanctions supplémentaires à l’encontre de membres de l’élite économique haïtienne ». Retrieved 2023-10-13.

[1]

[2]