Sant (depatman Ayiti)

Sant (depatman Ayiti)
Sant (depatman Ayiti)
depatman nan peyi Ayiti

jewografi

sipèfisi	3 634 km²

politik

chèflye	Ench
vwazen	Latibonit, Lwès, Nò, Nòdès
Ench, Mibalè, Laskawobas, Sèka Lasous	awondisman

demografi

popilasyon

678 626 moun ab.

Depatman Sant (fransè: Centre) se youn nan dis depatman peyi Ayiti. Zòn nan mezire 3 487 epi yo estime popilasyon l nan 678 626 moun (estimasyon resansman 2009). Vil Ench se chèflye a. Depatman an gen yon fwontyè komen ak Repiblik Dominikèn sou bò Lès.

Depatman Sant lan se sèl ki pa gen debouche sou lanmè a, alòske li sibi ewozyon tè a, konsekans debwazman. An 2004, inondasyon siklòn Jeanne te fè plizyè santèn viktim sitou nan Sant ak nan Latibonit.

Administrasyon

Depatman Sant divize nan 4 awondisman ak 12 komin :

• Sèka Lasous (2 komin) :
  1. Sèka Lasous
  2. Tomasik
• Ench (4 komin) :
  1. Ench
  2. Sèka Kavajal
  3. Mayisad
  4. Tomonn
• Laskawobas (3 komin) :
  1. Laskawobas
  2. Beladè
  3. Savanèt
• Mibalè (3 komin) :
  1. Mibalè
  2. Sodo
  3. Boukan Kare

Kote istorik

• Ench: Ansyen teritwa Panyòl. Vil la te wè nesans Charlemagne Péralte, lidè mouvman Cacos la, ki te opoze ak okipasyon Ameriken an an 1915.
• Mibalè ak Laskawobas: Kote batay sanglan Toussaint Louverture kont Angle yo ki t ap ravitaye nan Plato Santral la (1795). Vil ki te wè nesans Benoît Batraville.