Leslie Desmangles

Leslie Desmangles

Nesans	28 septanm 1941 Pòtoprens
Nasyonalite	ayisyen
Peyi nesans	Ayiti

Leslie Desmangles, ki fèt 28 septanm 1941 nan Pòtoprens (Ayiti), se yon ekriven ayisyen.

Li ekri liv konsène Ayiti oubyen kreyòl ayisyen oubyen nan Karayib an.

Biyografi

Leslie G. Desmangles fèt Pòtoprens (Ayiti) 28 septanm 1941. Li se yon ekriven ayisyen ki ekri an angle. Li te edike nan Kanada (Feller Collegiate Institute 1956-1960), nan Etazini (Eastern University 1960-1964). Nan lane 1975 li resevwa doktora li Temple University Filadelfi nan antwopoloji de relijyon avèk yon konsantrasyon nan relijyon Karayib e Afrik.

Li ekri yon liv rele Faces of the Gods: Vodou and Roman Catholicism in Haiti ki te pibliye pa The University of North Carolina Press. Liv sa te genyen pri òganizasyon Choice. Òganizasyon sa te deziyen liv la kòm pi bon liv akademik pou lane 1994. Li ko-edite yon volim ke rele Haiti in the Global Context (1995), e li te sevi kòm edite asosye pou yon liv ki rele Encyclopedia of African and African American Religions, ki te pibliye pa Routledge Press (2003). Liv sa te genyen yon pri de Choice kòm meyè liv referans pou lane 2003. Li ekri anpil lòt atik nan revi syantifik anlè Vodou an Ayiti. Desmangles pwofesè nan Trinity College, Hartfod Connecticut. Li te premye prezidan Asosyasyon Etid ayisyen ak sevi kòm yon manm fondatè asosyasyon sa. An 2007 li te resevwa gran onè de Asosyasyon de Antwopoloji Amerikèn (AAA) pou travay li e pou kontribisyion li nan etid relijyon nan Karayib la. Li se yon pèsonaj ki parèt nan anpil pwogram televizyon ak radyo e li pale de Ayiti avèk relijyon nan tout peyi Karayib yo. Li parèt nan NBC, CBS, ABC, PBS e nan yon pwogram ki rele Dateline. Li kolabore avèk lòt moun pou pwodui anpil dokimantè sou Ayiti. Nan dokimantè sa yo genyen twa avèk televizyon A & E, Discovery Channel e Vision Television, Kanada.

Zèv li yo

• African Interpretations of the Christian Vodou Cross, Invisible Powers: Vodou in Haitian Life and Culture. New York : Palgrave Macmillan, chapter 3, 2006.
• Creolization of Religion, Encyclopedia of Religion. Vol. 3, New York : The Macmillan Company, p. 2065–2069, 2005.
• Vodou, Encyclopedia of Religious Rituals. New York : Routledge, p. 437-440, 2003.
• Understanding Caribbean Religions, Understanding the Contemporary Caribbean. Lynne Rienner Publishers, Chapter 10, 2004.
• Encyclopedia of African and African American Religions. New York : Routledge, 2001.
• Haiti in the Global Context, edited inaugural issue of Journal of Haitian Studies, 1995.
• Trance Possession, Vodou Rituals and Psychotherapy in Haiti, avèk Etzel Cardeña, Jahrbuch fur Transkulturelle Medizin und Psychotherapie. Internationalen Instituts fur Kulturvergleichende Therapieforschung, Universitat Koblenz/ Landau, Nr 6. desanm 1995, pp. 297–307.
• The Faces of the Gods: Vodou and Roman Catholicism in Haiti, Chapel Hill and London: University of North Carolina Press. (A 1994 Choice outstanding academic book).