Wikipedya

Wikipedya se yon ansiklopedi lib, ki pa koute lajan e ki egziste nan plizyè lang. Nenpòt ki moun ka patisipe pou ekri atik nan ansiklopedi sa a. Asosyasyon ki òganize sit sa rele Fondasyon Wikimedya. Ou ka jwenn plis enfòmasyon sou paj sa a.

Siyifikasyon de non

Non Wikipedya vini de de (2) mo :

• Wiki, vini de wiki wiki, ki siyifye rapid nan lang hawayi, e yon bagay ou ka modifye kòm Entènet
• pedya, vini de paideia, ki siyifye edikasyon nan lang grèk.

Wikipedya se yon konesans ka toujou evolye.

Karakteristik Wikipedya

Pwoje Wikipedya gen twa karakteristik prensipal ki ka eksplike poukisa li inik:

• Premyèman pwoje sa a se redaksyon yon ansiklopedi. Wikipedya se pa yon diksyonnè tankou Wiksyònari.
• Dezyèmman pwoje a se yon wiki. Yon wikiwiki pemèt tout moun pou yo ka edite yon paj. Wikipedya se premye ansiklopedi jeneral ki itilize teknik sa a.
• Nou ka reyitilize enfòmasyon yo : n ap itilize Lisans dokimentasyon lib GNU an. Se yon lisans ki otorize tout moun kopye, chanje epitou distribye enfòmasyon ki sou Wikipedya yo, daprè sa Lisans dokimantasyon lib GNU an di. Nou oblije kenbe menm lisans sa a pou kopi konfòm yo ak pou kopi modifye yo, menm jan nou oblije di enfòmasyon sa yo vini de Wikipedya epitou kiyès ki ekri yo.

Istwa

Wikipedya te fonde pa Jimmy Wales e Larry Sanger ann anglè 15 janvye 2001. Vèsyon franse se te premye ki te nan yon lòt lang ke anglè. Vèsyon ayisyen kòmanse 29 out 2004. Kounye a Wikipedya egziste nan plis de 200 lang.

Ou ka wè sa tou

• Wikipedya ann anglè pou plis de detay (men ann anglè)