Educa Vision Inc. (EVI)

Educa Vision Inc. (EVI) se yon gwo konpayi edisyon ki te kòmanse nan lane 1991.

Prezantasyon

• Dat fondasyon ː 1991
• Fondatè ː Féquière Vilsaint
• Biwo ː Florid
• Domèn ː edikasyon, kilti, dokiman referans, sante, relijyon, fiksyon, miltimedya, Diksyonè, materyèl sou lang
• Fòma ː liv, CD odyo, DVD, videyo, tablo, aplikasyon enfòmatik, leson sou entènèt
• Piblikasyon ak distribisyon liv bileng an kreyòl ayisyen, angle, franse, panyòl, pòtigè, arab, chinwa, bengali,

Istwa

Lè Féquière Vilsaint fonde konpayi a EVI an 1991, li te travay ankò tankou chèchè nan depatman biyochimi ak biyoloji molekilè nan Inivèsite ISF (University of South Florida) nan Tampa. Twa (3) ane pita li te kite USF pou konsakre tèt li nan devlopman EVI.

Premyè piblikasyon an se Diksyonè angle-kreyòl a. Plizyè lòt diksyonè swiv pita. EVI te satisfè bezwen elèv ayisyen yo dabò. Evolisyon an te fèt tou dousman pa adisyon a avèk nouvo tit chak ane, EVI rive apre 15 ane nan yon pakèt ki gen plis pase 400 tit nan fòma diferan an 2006.

Depi 2002, EVI vin yon editè miltikiltirèl ak milti leng.

EVI gen plis pase 2000 tit nan lane 2021. Otè yo ekri, desine, fabrike, pibliye ak distribye yon gran varyete materyèl edikatif, miltikiltirèl ak plizyè metòd lang.

Prensipal anplwaye EVI yo fèt ak pwofesyonèl ki gen gwo ekspètiz.

Misyon

• EVI pwopoze materyèl pou elèv, etidyan, pwofesè, responsab administrasyon, founisè sèvis
• EVI satisfè bezwen elèv ayisyen yo avèk materyèl an kreyòl ayisyen (syans, matematik, analiz tèks, syans sosyal, elatriye) an menm tan ke yo aprann angle oubyen franse
• EVI ofri tou sèvis tradiksyon, nimerizasyon tèks, kreyasyon liv elektwonik, chanjman nan fòma ak sèvis enprimri
• EVI kontribye nan distribye panse ak kilti ayisyen nan lang angle a
• EVI vle kenbe eritaj lengwistik Ayisyen ki fèt Ozetazini
• EVI fasilite aprantisaj kreyòl la kòm dezyèm lang pou etranje ki bezwen li, (tankou pwofesè, pwofesyonèl sante, anplwaye sistèm legal, touris, elatriye)

Kèk otè

Yon gwo kantite otè yo se Ayisyen. Gen kèk ki ann Ayiti, gen lòt otè nan Kanada, Etazini (ki gen ladan Pòtoriko), Lafrans. Lòt otè yo se Ameriken ak Kanadyen ː Féquière Vilsaint, Odette Roy Fombrun, Maurice Sixto, Georges Anglade, Michel-Ange Hyppolite, Maude Heurtelou, Dumas Benjamin, Lionel Desmarattes, Bob Lapierre, Josaphat-Robert Large, Max Manigat, Jacques Roumain...

Lyen deyò

• Sitwèb ofisyèl Educa Vision Inc. (EVI)