Denis Raoul Jr

Depi Wikipedya, ansiklopedi lib
Sauter à la navigation Sauter à la recherche
Mizisyen
Denis Raoul Jr
Ajoute yon foto nan bwat sa a}}
Eta sivil
Dat nesans:22 jen 1958
Lye nesans:Pòtoprens
Peyi nesans:Ayiti
Nasyonalite : ayisyen
Zèv enpòtan:
Sukaina, Mizikasyon


Gade kouman pou ou konplete biyografi sa : biyografi


Mizik: Konpa, djaz, Mizik klasik
Gwoup: Dp Express - Zeklè

Enstriman

klavye, vyolonsèl



Denis Raoul Jr, rele tou Tira, se yon mizisyen ayisyen.

Li konpoze mizik sa yo : Sukaina - Ti Gason - Siwomyèl - Mizikasyon - Chak fwa mwen sonje - Ti Noe - Lamitye - Samba de Raulinho.

Li jwe nan gwoup sa : Dp Express - Zeklè.

Biyografi[edite | modifye sous]

Raoul Denis Jr. se yon konpozitè mizik, pyanis, vyolonselis, pwofesè edikasyon mizik, ko-pwodiktè televizyon ak prezantatè. Raoul Denis Jr se tou yon espesyalis nan zafè Dwa dotè nan peyi li.

Li fèt 22 jen 1958 nan Pòtoprens (Ayiti). Papa li, Raoul Denis (20 mas 1920 - 23 novanm 2015) te vann plak ak enstriman mizik. Manman li, Micheline Laudun Denis, se yon pyanis entènasyonal. Li se yon pwofesè pyano tou. Raoul aprann jwe pyano avèk manman li epi lè li gen laj 11 lane, li te ale nan lekòl Mizik Sen Trinite kote li te aprann vyolonsèl. Lè li gen 13 lane, manman li te aprann li jwe òg elektronik avèk metòd Yamaha. Nan etid mizik klasik li, Raoul te benefisye 2 bousdetid, youn pou li swiv yon atelye mizik pou ti òkès klasik nan Sendomeng epi yon lòt ke OEA te bay li pou li ale pèfeksyone nan vyolonsèl, konpozisyon ak amoni nan Konsèvatwa Inivèsite Nasyonal peyi Bogota, nan Kolonbi.

Raoul kòmanse karyè mizik pwofesyonèl li nan lane 1973, a laj de 15 an. Lè sa-a li te fòme premye ti òkès li, "Mini Brothers”, avèk zanmi li Joel Widmaier. Aprè yon titan, frè Joel la, Mushy, ki se yon gwo pyanis djaz, te vini jwen yo nan gwoup la. Nan lane aprè yo, li vin jwe avèk DP Express kite youn nan gwoup Konpa ayisyen kite pi popilè nan moman saa, answit li fòme gwoup Zeklè avèk zanmi li yo Joel e Mushy Widmaier ak Ralph Boncy. Li patisipe tou nan plizyè albòm mizisyen ayisyen, kòm Les difficiles de Petyonvil, anplis de 4 albòm Zeklè ki te fè anpil siksè.

Soti nan 1985 pou jis koulye a, Raoul pwodui 4 albòm solo. Nan pami yo gen albòm Sukaina ak albòm Korekteman ki te fè yon siksè entènasyonal. Li fèt yon albòm enstrimantal ak yon albòm mizik relijye tou. Anplis, li ekri ak pwodui 4 patisyon orijinal pou Balè Fòlklòrik ayisyen ak plizyè patisyon orijinal pou sinema ayisyen.

Pandan tout karyè li, Raoul patisipe tankou klavyeris ak anpil nan atis ki pi popilè nan peyi li, menm jan tou li patisipe tankou yon vyolonselis nan plizyè òkès mizik klasik. Nan pami atis ki popilè anpil ke li te jwe avèk yo, nou ka site megastar Wyclef Jean.

Avèk Joel Widmaier, li te ko-direktè nan vèsyon ayisyen yon espektak Mizik ki rele Starmania, ansanm avèk gwoup atis "Haiti en scène". Twoup la te jwe an Ayiti epi nan Monreyal anba sipèvizyon otè Starmania a, Luc Plamondon e se Gouvènè Jeneral Kanada a, Onorab Michaëlle Jean ki te envite yo.

Raoul dedye lavi li nan batay kont pirataj, e respè pou dwa dotè nan peyi li. Li te patisipe nan fondasyon Asosyasyon Nasyonal Mizisyen Otè Konpozitè ak Entèprèt (ANACIM) epi tou dènyèman, nan fondasyon Asosyasyon Ayisyen Pwofesyonèl nan Mizik. Raoul te patisipe nan plizyè seminè sou dwa dotè ki te òganize pa OMPI (Organisation mondiale de la propriété intellectuelle) nan Genève, Briksèl, Wachintòn, Trinidad ak Tobago ak Ayiti.

Pami atis ki plis enfliyanse Mizik li, nou ka site Japonè Tomita, Fransè Jean-Michel Jarre, avèk Grèk Vangelis. Atis klasik Raoul pi pito se vyolonselis Yo Yo Ma epi atis djaz li pi pito a se Pat Metheny. Raoul se yon manm nan SACEM (Société des auteurs, compositeurs et éditeurs de musique) ak ASCAP (American Society of Composers, Authors, and Publishers).

Zèv li yo[edite | modifye sous]

Reyalizasyon atistik avèk pwodiksyon mizikal[edite | modifye sous]

  • 1975 - 1983 : Patisipasyon nan òkès konpa :
    • 1975 : Mini Brothers
    • 1977 : DP Express
    • 1983 : Fòmasyon Zeklè
  • 1994 - 1997 : Pwodiksyon pou Balè Fòlklorik dAyiti: Le Roi Henry, balè an 3 akt nan Rex Teyat
    • Janvye 1994 : Doréus, balè nan 4 akt nan Rex Teyat
    • Desanm 1995 : Tezen, balè nan 4 akt nan Rex Teyat
    • Me 1996 : Patisipasyon BFH nan 11e Festival Balè nan Guanahuato, Meksik
  • Fevriye 2005 : Kòm Direktè atistik nan la Mèri Petyonvil la, patisipe nan reyalizasyon Premye Kanaval nan Petyonvil
  • Desanm 2005 : Haïti terre de feu nan Plas Piblik Occide nan Pòtoprens
  • Mas 2006 : Patisipasyon sou Vyolonsèl nan Konsè Détours pa Reginald Policard
  • Me 2006 : Starmania nan Parc Historique de la Canne à Sucre
  • Desanm 2006 : Patisipasyon sou Vyolonsèl nan Konsè "20 ane Emeline Michel"
  • Desanm 2006 : Starmania nan Parc Historique de la Canne à Sucre.
  • Me 2007 : Sou direksyon Madanm Germaine Acogny, li patisipe avèk Madanm Nicole Lumarque nan premyè rankont Lafrik avèk Dyaspora li sou dans afrikèn tradisyonèl ak kontanporen, nan Ecole des Sables nan, Toubab Dialaw, Senegal
  • Desanm 2007: Konsè "ZEKLE flashback" nan Parc Historique de la Canne à Sucre.
  • Janvye 2008 : Patisipasyon ZEKLE nan 5e edisyon "Festival Endepandans Ayisyen" nan Bayfront Park, Miami.
  • Mas 2008 : anba patronaj Gouvènè Jeneral Kebèk la Onorab Michaëlle Jean, patisipe nan 7 pèfòmans Starmania nan La Tohu nan Monreyal, Kanada.
  • Out 2008 : Konsè ZEKLE TABOU COMBO nan Parc Historique
  • Avril 2009 : Patisipasyon ZEKLE nan Premyè seremoni Kompa nan Broadway Lincoln Center, Nouyòk.
  • Out 2009 : Konsè "ZEKLE Mizik Mizik unplugged" nan Lounge Kòmèt, Hotel Montana nan Pòtoprens
  • Septanm 2009 : Patisipasyon ZEKLE nan 5e Festival Anyèl Fim ayisyen nan Monreal
  • Oktòb 2009 : Konsè ZEKLE ak Kassavl nan Parc Historique la.
  • Desanm 2009 : Sòti doub DVD / CD ZEKLE Live nan Parc Historique Canne à Sucre
  • 2005 - 2010 : Patisipasyon "Zeklè" nan 12yèm Festival Anyèl Konpa Ayisyen nan Bayfront Park, South Beach, Miami
  • 2012 - 2015 : Fondatè epi Direktè Teknik INAMUH kise Institut National de Musique d'Haïti. Pwojè saa te gen sipò Òganizasyon Venezuela El Sistema. Pwojè a te gen pou objektif devlopman 4 nwayo òkès senfonik nasyonal avèk koral pou timoun ak jèn nan 4 espas nan peyi a: 1 Hinche, 2 nan Pòtoprens epi youn Jakmèl. Lè li bay demisyon li nan pwojè a an 2015, se yon sèl ke leta te reyisi fè, malgre Ministè Kilti te resevwa enstriman mizik, chèz ak estann, epitou materyèl enfòmatik avèk 4 bus pou 4 espas yo.
  • 2017 : Pwodiksyon Raoul Denis Jr & Friends nan Kabarè Night Show
  • 2018 : Pwodiktè show televizyon Bisou Bisou

Diskografi[edite | modifye sous]

  • 1985 : Raoul Denis Jr "Sukaina"
  • 1988 : Raoul Denis Jr & Shap Vol II: "Lamitye" (avèk Emeline Michel) / "Chak Fwa Mwen Sonje"
  • 1993 : Raoul Denis Jr "Korekteman"
  • 1998 : Raoul Denis Jr "Best of TiRa"
  • 2002 : Raoul Denis Jr "Tezen"
  • 2002 : Raoul Denis Jr "Caribbean Escape"
  • 2005 : Raoul Denis Jr "Gloire à Adonai"
  • 2010 : ZEKLE Flashbak
  • Out 2011 : Oriana ZEKLE

Patisipasyon nan albòm mizik lòt atis[edite | modifye sous]

  • 2006 : Reginald Policard "detou" (Vyolonsèl)
  • 2003 : Micheline L Denis "Au Jardin de la Musique"
  • 1991 : Yole & Ansy Derose "Ayiti Melodie d'Amour"
  • 1989 : Michel Martelly "Kem Sere"
  • 1989 :Jean-Michel Daudier "Vol.2"
  • 1989 : Daniel Larivière "Grand-mèr"
  • 1988 : SHAP "Vol.2"
  • 1987 : Carole Demesmin "Lawouze"
  • 1987 : Carole Demesmin "Salut au drapeau"
  • 1987 : Jean-Michel Daudier "Lè-m Pa Wè Solèy-la
  • 1986 : Master Deje "Chanje"
  • 1986 : Mario De Volcy
  • 1985 : Claude Marcelin "Lakol"
  • 1984 : ZEKLE "Stop"
  • 1983 : ZEKLE "Repon-n mwen"
  • 1982 : Lakansyèl "Kote ou"
  • 1982 : ZEKLE "Mmories"
  • 1979 : Lionel Benjamin Souvenirs d'enfance
  • 1978 : Gérald Merceron Pou lanmò ... (Vyolonsèl)
  • 1977-1980 : DP Express PA pran Contact, "Pale Pale-w" "David"

Videyoklip[edite | modifye sous]

  • 1989 : Jacqueline Denis Ankò ankò
  • 1989 : Claude Marcelin Rilaks Ti Mal
  • 1993 : Raoul Denis Jr Korekteman
  • 1994 : Zeklè Adye

Mizik pou fim[edite | modifye sous]

Mizik pou espektak[edite | modifye sous]

  • 2001 : Productions Yole Derose Femmes
  • 2004 : Productions Yole Derose Haïti Terre de Feu

Mizik pou piblisite nan radyo ak televizyon[edite | modifye sous]

  • Kanal Bleu, Fanm ansent, vitamin A, Ti moun Kè Kontan, prestijge, pèpsi, 7up, king kola, Malta H (Brasri Nasyonal d'Ayiti) Ciclon, Power Master, SogExpress, Epi d'Or, StarMart, Bo-Jeux, Horlicks, Saridon, Daihatsu Terios, FG Wilson, Sawafuji, Batri FB, Nissan, National, Sidartist, Radyo Carnival, Vizyon 2000, Telemax, Croix Rouge, Ayiti-Brezil match pou la Paix, elatriye

Mizik pou timoun[edite | modifye sous]

  • Bo-Jeux, tèm pak amizman pou timoun
  • Bizou bizou, tèm

Referans[edite | modifye sous]

Lyen deyò[edite | modifye sous]