Sophia Désir

Depi Wikipedya, ansiklopedi lib
Aller à la navigation Aller à la recherche


Sophia Désir
Image illustrative de l’article Sophia Désir
Fonksyon ekriven
Nesans (55 ane)
Nasyonalite Ayisyen
Domèn Literati

Sophia Désir, ki fèt 21 janvye 1969 se yon fanm ekriven. Li ekri liv konsène Ayiti oubyen kreyòl ayisyen oubyen nan Karayib an.

Biyografi[modifye | modifye kòd]

Sophia Désir fèt an Ayiti 21 janvye 1969. Li grandi Okay, nan depatman Sid, nan Ayiti. Li fèt etid primè ak segondè nan lekòl kongregasyonis. Li ekri premye fèyton radyo li Pile ou face, lè li te fè etid segondè. Nan Pòtoprens, li te enskri nan Kominikasyon nan Fakilte Syans Imèn.

Nan lane 1992, li kòmanse yon karyè nan radyo a. Pandan de (2) zan li prezante bilten nouvèl nan Tropic FM kote li te anime pwogram varyete, La jungle tropicale, avèk Master Dji.

Nan lane 1994, li jwenn Radio Métropole. Li travay avèk Clarens Renois, Rotchild Francois Junior, Bob Lemoine, Gilbert Fombrun, Kesner Pharel. Pandan karyè li nan radyo, li prezante pwogram istorik kòm Le passé au présent ak Les célébrités de l'histoire sou Radio Métropole. Li reyalize yon fèyton radyo VIP (Vanité Intrigues Passions) ki te pase sou lezond Radio Metropole ant 2001 e 2005.

Etwal radyo, televizyon ak sinema kòm Smoye Noisy, Reginald Lubin, Clarens Renois, Jo Damas, Farah Ménard, Alessandra Lemoine, Mario Viau, Sandra Lobir, Nadine Stephenson jwe nan fèyton sa a.

Li se yon jounalis epi li se ekriven tou.

Li deja pibliye plizyè liv : Une voix dans la nuit, Le meilleur vient parfois du pire, Au bout des errances. Li ekri tou 2 senaryo fim : VIP (Vanité Intrigues Passions) ak Minui e li jwe ladan yo tou. Li te Martine Delarue nan VIP.

Nan paralèl avèk karyè li sou radyo a ak piblikasyon li yo, Sophia Désir travay nan Òganizasyon ONG ak nan piblisite. Ant 1993 ak 1996, li se Responsab pwogram Edikasyon Sivik ak Asistans Legal nan CPFO (Centre de Promotion des Femmes Ouvrières). Ant 1996 ak 2000, li travay tankou chèf piblisite nan PubliGestion, yon ajans piblisite ak maketing. Epi nan lane 2000, avèk kèk patnè, li lanse Pluralis, yon ajans miltisèvis ki pwopoze sitou sèvis Kominikasyon, òganizasyon evènman ak de vwayaj.

Nan lane 2005, li ale viv nan Kanada. Sophia Désir travay tou tankou pwofesè nan lang franse nan Monreyal.[1] Aprè sèt an nan Kanada, li deplase nan Meksik avan rete definitivman nan Kanada. Pita li travay nan yon antrepriz prive tankou asistant administratif. Li viv nan Ottawa avèk Sabrina, pitit fi li.[2]

Zèv li yo[modifye | modifye kòd]

  • 2001-2005 ː VIP: Vanité Intrigues Passions, fèyton radyo
  • 2004 ː VIP (Vanité Intrigues Passions), fim
  • 2004 ː Une voix dans la nuit, rekèy nouvèl
  • 2007 ː Le Meilleur vient parfois du pire, woman
  • 2008 : Minuit, fim
  • 2009 ː Au bout des errances, woman
  • Les épines du bonheur, woman
  • À contre destin, woman[3]

Referans[modifye | modifye kòd]

  1. « Sophia Désir: de la radio à l\'écriture ». lenouvelliste.com. 29 me 2007. Retrieved 14 oktòb 2018. 
  2. Belkis Delcarmen Gaspar (13 septanm 2018). « Des nouvelles de Sophia Désir ». lenouvelliste.com. Retrieved 14 oktòb 2018. 
  3. Chancy Victorin (4 jen 2014). « Sophia Désir, une plume qui veut mûrir ». lenouvelliste.com. Retrieved 14 oktòb 2018. 

Lyen deyò[modifye | modifye kòd]