Site Soley

Depi Wikipedya, ansiklopedi lib
(Depi paj redireksyon « Site Solèy »)
Sauter à la navigation Sauter à la recherche

Site Soley se yon komin ki chita kò l' nan awondisman Pòtoprens la. Dènye resansman 2009 la bay ke gen 241 055 moun k'ap viv ladan li. Ou jwenn anpil bizniz nan zòn nan. Li gen de twa lopital ladan l epi li gen yon sèl lise. Site Solèy se anvan tout bagay yon bidonvil. Se pi gwo bidonvil ou jwenn an Ayiti[1]. Se nan zon ane 1960 sou prezidan diktatè Franswa Divalye ke bidonvil sa a bati, dayè se non madan'm li Simòn li te pote an premye, « Site Simòn ». Yo te bati bidonvil la pou pil moun ki te gen pou travay nan pakendistryèl yo ak lòt ki t'ap travay nan izin sik Hasco.

Jounen jodi a, Site Solèy se youn nan kote ki pi mal, ki pi pòv an Ayiti. Se yon kote ki gen anpil malè pandye ladann tou paske plen gangstè k'ap viv la[2]. Pandan de twa lane ki pase yo moun te evite pase ladan'l se kounye Leta Ayisyen gen yon ti kontwòl sou li ankò. Lè tranbleman tè a 12 janvye 2010, li te frape anpil. Sa ki te mete moun yo nan plis traka toujou.

Referans[edite | modifye sous]

  1. « Memoire Online - Identification des enjeux de la littoralisation liés à  l'environnement marin au niveau de la commune de Cité Soleil, Haiti - Almando Kessy MORAIN ». Memoire Online. Retrieved 2018-08-28. 
  2. « Haïti: Cité Soleil, le bidonville dont se jouent gangs et politiciens » (in français). Retrieved 2018-08-28.