Sòspwa

Se yon pwodui souvan gason nan Ayiti itilize pou òogmante andirans yo lè yo ap fè bagay. Se tou youn nan pwodui ki pi ansyen gason ki gen pwoblèm pou byen bande oubyen dire itilize nan koze fè bagay. Li vann anpil epi moun twouve li fasilman sitou nan kapital la Pòtoprens.

Orijin li

Daprè yon atik ki te pibliye sou jounal an liy Enquet'Action pa gen moun ki konnen vrèman kijan li prepare men eleman prensipal yo itilize pou fabrike sòspwa a ki pase pa Repiblik Dominikèn soti nan peyi Lachin. Yo melanje pwodui chinwa sa ak yon lòt konbinezon lwil, pafen ak kafe.

Plizyè peyi tankou Etazini entèdi pwodui sa yo konnen sou lòt non tankou Piedra China ou Black Stone ou Pierre Jamaïcaine antre lakay yo.

Risk pou lasante

Depi sou fason li prepare rive nan itilizasyon li, sòspwa a bay espesyalis nan zafè lasante an Ayiti gwo kè sote. Gen plizyè gason ki rive ale lakay doktè akoz pwoblèm nan kè oubyen pwoblèm tansyon aprè yo fin itilize sòspwa a pou ogmante andirans ak pèfomans yo. Espeyalis sa yo esplike itiizasyon pwodui sa gen gwo konsekans sou fonksyònman kè a.

Lyen deyò

• Sòspwa sou enquetaction.com
• Ankèt sou afwodizyak sou lenouvelliste.com