Pwovèb

Yon pwovèb se yon ekspresyon ki popilè, ki tradisyonèl, ki imaje le pli souvan.

Pwovèb Jeneral

Afè lafanmi, etranje pa mele

(fr) Le linge sale se lave en famille.

Sans lan sanble pli fò ke jan nou tradui li. Li vle di ke moun deyò pa genyen pou gade sa kap pase nan dedan fanmi e non pa fanmi pa genyen pou li pòte zafè li deyò.

Labouyi cho pa manje ak dwèt

Lè yon bagay difisil, ou pap itilize menm zouti yo, fòk ou sonje pran nan lòt metòd yo, miyò pito.

Chay pa janm twòp pou mèt li

Granmoun itilize pwovèb sa a pou di ke si se reponsablite pa w li ye, se pou w debouye w fè li. Moun konn di li tou lè yo antrave anba yon travay ki di men ke yo oblije fè kanmenm. Yon lòt ankò ki on tijan sanble avè li: chay sòt sou tèt se sou zepòl li tonbe

Wè tou : chay sòti sou tèt se sou zepòl li tonbe

Abitid se vis

Lè ou abitye di oubyen fè yon bagay (an jwèt oubyen pou tout bon), li vin tounen yon woutin pou ou epi san ou pa pòte atansyon, ou ka fè li menmsi sa pa te nan entansyon w pou w fè li.

Flatè pi danjere pase kouto de bò.

Alatraka pou lave kay tè

Atansyon pa kapon

Avantaj kòk se nan zepon l li ye

Pwovèb epi zannimo

bourik chaje pa kanpe

(fr)On ne peut faire avancer qqu'un de deja chargé

Rayi chen an di dan l blan

Makak sou pa janm domi devan pòt kay chen

Foumi pa janm mouri anba barik siwo.

Chen jape pa janm mòde

Si chen te rakonte w rèv li, ou patap janm mache lannwit

Kabrit twòp mèt mouri nan pikèt

Pwovèb epi moun

Fòk ou dòmi ak Jan pou konnen jan li wonfle.

Ou ka pale de yon moun sèlman si ou konnen li, sa vle di : ou sèlman konnen byen moun ou pataje lavi.

Ranje kabann ou anvan dòmi nan je ou

Sa vle di ou prepare ou dwe prepare ou pou yon evènman ou konnen ki pral rive.

Egzanp : lè ou fè zanmi ak yon patwon pandan ou lekòl, ou konnen ou ka mande li djòb lè ou fin diplome.

Timoun pa konn bay manti.

(fr) La vérité sort de la bouche des enfants.

Pwovèb ki poko genyen eksplikasyon

Fè zanmi ak kouto avan zabriko mi

Lyen deyò