Nérilia Mondésir

Depi Wikipedya, ansiklopedi lib
Sauter à la navigation Sauter à la recherche
Nérilia Mondésir
Nerilia Mondesir.jpg
Fonksyon:Jwè foutbòl fanm
Eta sivil
Dat nesans:17 janvye 1999
Lye nesans:Katye Moren
Peyi nesans:Ayiti
Nasyonalite : ayisyen


Gade kouman pou ou konplete biyografi sa : biyografi


Nérilia Mondésir ki gen ti sounon Nérigol, se yon jwèz foutbòl entènasyonal ayisyen ki fèt 17 janvye 1999 nan Katye Moren. Li ap jwe nan pòs atakan avèk ekip Monpelye HSC a e avèk seleksyon ayisyèn nan. 

Karyè[edite | modifye sous]

Nérilia Mondésir se pi piti a nan yon fanmi ki gen 5 timoun[1]. Lap jwe foutbòl depi li te gen 6 zan nan Gran Pre (Katye Moren), vilaj kote li fèt la. Poutan, sou enfliyans kouzen li, li te pito al nan jido, e nan lane 2011 li rantre nan lekòl Nasyonal Talan Espòtif yo (ENTS) nan Kwadèboukè pou kategori sila.

Aprè desepsyon li te finn pran paske yo pat seleksyone li pou li te al reprezante peyi li kòm jidoka, li deside tounen sou foutbòl la paske se sa li te pi renmen e li te vrèman enpresyone ankadreman teknik Federasyon Ayisyèn Foutbòl FHF la.

Nan lane 2014, li patisipe nan chanpyona Amerik Dinò, Santral ak Karayib foutbòl jenn tifi ki gen pou pi piti 15 lane avèk seleksyon nasyonal la. Ti medam ayisyèn yo rive nan final avèk Mondesir kòm meyè bitez konpetisyon an. Lè li te gen 16 zan, li te deja komanse jwe avèk seleksyon granmoun yo.

Nan mwa avril 2016, li realize yon esè pandan 2 semèn avèk Olympique Lyonnais.

Nérilia Mondésir fè yon tès nan Monpelye nan mwa jen 2016.

24 janvye 2017, li kite peyi natif natal li pou li al jwenn Monpelye HSC kote li fèk siyen yon kontra pou 5 kan.

Depi lè li rive nan  Monpelye a, li travay sitou ak ekip U19 la[2].

Aprè patisipasyon li nan Koup dimond Fanm U20 an nan peyi Lafrans avèk seleksyon nasyonal, Nérilia Mondésir vinn pi bon bitez (3 gòl) yon seleksyon ayisyen nan tout kategori. Li depase yon jwè ayisyen ki rele Emmanuel Sanon (2 gòl).[3]

Palmarès[edite | modifye sous]

Nan club[edite | modifye sous]

  • Chanpyon an Ayiti 2014, 2015 ak 2016[4] avèk As Tigresses

Nan seleksyon[edite | modifye sous]

  • Finalis nan koup CONCACAF U15 la an 2014
  • Gayan koup Karayib U20 an nan lane 2015
  • Finalis koup Karayib U17 la an 2015

Rekonpans pèsonèl[edite | modifye sous]

  • Soulye dò Concacaf fanm U15 an 2014
  • Soulye dò nan chanpyona Karayib lan an 2015 pou sila yo ki gen pi piti 17 lane.
  • Soulye dò karayib U20 an 2015
  • Pi bon jwè fanm nan karayib U17 la an 2015
  • Soulye dò fanm Concacaf U17 la an 2016

Referans[edite | modifye sous]

Lyen deyò[edite | modifye sous]