Mona Guérin

Depi Wikipedya, ansiklopedi lib
Aller à la navigation Aller à la recherche
Mona Guérin
Image illustrative de l’article Mona Guérin
Fonksyon ekriven, dramatij
Nesans
Pòtoprens
Lanmò (ak 77 ane)
Pòtoprens Ayiti
Nasyonalite Ayisyen
Domèn Literati, teyat

Mona Rouzier, rele Mona Guérin, ki fèt 9 oktòb 1934 nan Pòtoprens (Ayiti) epi ki mouri 30 desanm 2011, se yon fanm ekriven ayisyèn.

Biyografi[modifye | modifye kòd]

Se ti fi Camille Duplessy ak Gontran Rouzier. Li se pitit fi yon sou sekretè Leta gouvènman Elie Lescot. Li te etidye nan lekòl primè "Sœurs de Saint-Joseph de Cluny" nan Pòtoprens epi nan pansyona "Sainte-Rose de Lima" (Pòtoprens). Li resevwa yon bous inivèsitè "Canada Arts Council". Bous sa a pèmèt li etidye literati kontanporèn nan Inivèsite Saint Paul nan Ottawa. Aprè li retounen nan Ayiiti, li marye avèk Joseph Guérin, yon enjenyè. Yo genyen de (2) ti fi.

Li anseye tankou pwofesè ant 1965 ak 1980 nan lekòl "Au Galop". Li fè teyat tou.

Ant 1961 ak 1965, li ekri yon atik chak semèn pou jounal Le Nouvelliste. Li ekri anpil senaryo pou radyo ak televizyon tankou seri televizyon Gala de Galerie (plis pase 150 senaryo) ki te difize sou Télé-Haïti ant 1977 ak 1981 e pou seri radyo Roye ! Les Voilà ki te difize ant 1982 ak 1994 (950 epizòd). Guérin kreye lòt pwogram relijye, edikatif ou satirik. Li te òganize pwogram radyo Dieu à tout moment (1992-1994) e li te ekri anviwon swasant (60) epizòd pou seri radyo Petit théâtre de Magik-Stéréo.

Li resevwa anpil distenksyon. Li te manm jiri aktivite nasyonal ak entènasyonal tankou : pri literè Henri Deschamps, 4yèm epi 5yèm festival frankofoni.

Li mouri nan Pòtoprens akòz nemoni nan dat 30 desanm 2011.

Zèv li yo[modifye | modifye kòd]

Pwezi[modifye | modifye kòd]

  • 1958 : Sur les vieux thèmes, enprimeri Théodore, Pòtoprens

Pyès teyat[modifye | modifye kòd]

  • 1966 : L'Oiseau de ces dames
  • 1969 : Les Cinq Chéris
  • 1971 : La Pieuvre
  • 1973 : Chambre 26
  • 1974 : Sylvia
  • 1976 : La Pension Vacher

Nouvèl[modifye | modifye kòd]

  • 1980 : Mi-figue, mi-raisin

Rekonpans[modifye | modifye kòd]

  • 1983 : Nominasyon pou Chevalye nan "Ordre des Palmes Académiques" fransèz
  • 1999 : Pri literè Karayib
  • 2002 : Nominasyon pou doktè honoris causa nan Inivèsite Wayal Ayiti

Referans[modifye | modifye kòd]

Lyen deyò[modifye | modifye kòd]