Massillon Coicou

Depi Wikipedya, ansiklopedi lib
Sauter à la navigation Sauter à la recherche
Massillon Coicou

(an kreyòl : Masiyon Kwakou)

Massillon Coicou
Eta sivil
Dat nesans:9 oktòb 1867
Lye nesans:Pòtoprens
Peyi nesans:Ayiti
dat lanmò : 15 mas 1908
Pòtoprens (Ayiti)
Nasyonalite : Ayisyen


Gade kouman pou ou konplete biyografi sa : biyografi


Jean-Baptiste Massillon Coicou, rele Massillon Coicou (nan kreyòl : Masiyon Kwakou), ki fèt 9 oktòb 1867 nan Pòtoprens epi ki mouri 15 mas 1908, se yon powèt, ekriven ak politisyen ayisyen.

Biyografi[edite | modifye sous]

Massillon Coicou te fèt 9 oktòb 1867 nan Pòtoprens. Li te fè etid primè li nan Frè Lekòl Kretyen (Frères des Écoles Chrétiennes) epi li fè etid sekondè li nan Lise Nasyonal nan Pòtoprens. Li te ekri pwezi, pyès teyat, ak tèks, epi li te diplomat tou.  

Li te soti twa rekèy pwezi, dram, tèks ak yon woman ki pa te janm fin ekri, ki rele La Noire (1905).[1]

Premye rekèy la rele Poésies nationales (1892) ki trete plizyè tèm tankou revolisyon ayisyen an, istwa peyi a ak evènman ki te fè gwo enpak sou kreyasyon nasyon an. De lòt rekèy li te soti yo rele Passions ak Impressions (1903).

Massillon Coicou te ekri plizyè dram sou istwa Ayiti a. Dram ki pi koni yo se L'Empereur Dessalines: Drame en deux actes en vers (1907) ki li reyalize nan lane 1906 pou komemore santyèm anivèsè asasina Jean-Jacques Dessalines.

Nan lane 1908, lapolis nasyonal te egzekite li ansanm avèk de frè li yo poutèt yo t ap òganize yon koudeta kont gouvènman Pierre Nord Alexis.

Zèv li yo[edite | modifye sous]

Pwezi[edite | modifye sous]

  • 1892 ː Poésies nationales (premyè seri). Pari : V. Goupy et Jourdan, 1892; Pòtoprens : Imprimeri Panorama, 197-?; Pòtoprens : Presses Nationales d’Haïti, 2005.
  • Passions, primes vers d’amour et variations sur de vieux thèmes. Pari : Dujarric, 1903.
  • Impressions; rêves des jours de trêve (de la vingtième à la trentième année). Pari : Dujarric, 1903.
  • Complaintes d'esclave
  • Vertières
  • Fefe president

Tèks[edite | modifye sous]

  • Le génie français et l’âme haïtienne. Pari : Librairie de la Renaissance Latine, 1904.

Dram[edite | modifye sous]

  • 1896 ː Toussaint au Fort de Joux
  • 1901 ː L’oracle (powèm dramatik ayisyen). Pari : Ateliers haïtiens.
  • 1904 ː Liberté. 1904. (pa janm pibliye)
  • 1905 ː L’Alphabet. 1905. (pa janm pibliye)
  • L’Empereur Dessalines (dram nan de akt nan vè). (2yèm akt pyès teyat pa janm pibliye) Pòtoprens : E. Chenet, 1907;Pòtoprens : Fardin, 1988.

Woman[edite | modifye sous]

  • 1905 ː La Noire.

Referans[edite | modifye sous]

  1. Zavitz, Erin. “Encountering Creole Genesis in the Haitian Press: Massillon Coicou’s fin-de-siècle feuilleton La Noire.” La Española-Isla de Encuentros, eds. Jessica Barzen, Hanna Lene Geiger, Silke Jansen. Tübingen: Narr, 2015.

Lyen deyò[edite | modifye sous]