Labouyi
Labouyi se yon manje ki fèt ak farin, lèt, kanèl, sèl ak sik epi vaniy. Ayisyen renmen kwit li le aswe epi yo itilize li nan alimantasyon tchovi yo.
Katafal kategori labouyi[modifye | modifye kòd]
Gen plizyè kategori Labouyi :
- Labouyi diri
- Labouyi farin mayi
- Labouyi bannann
- Labouyi farin Frans
- Labouyi farin manyok
- Labouyi bonbon sèl
- Labouyi farin pomdetè
Kijan yo prepare sa yo[modifye | modifye kòd]
- Met dlo a bouyi epi ajoute kanèl ladann.
- Delye farin lan nan dlo frèt avan epi vide l nan dlo k ap bouyi a.
- Brase l' tanzantan (ak yon louch) pou l pa fè boul.
- Ajoute lèt (kanasyon, evapore ou kondanse); kite yon ti dife anba li.
Note byen :
(a) Pa janm kouvri labouyi pou li pa tounen.
(b) Labouyi kapab manje ak pen.