Labadi
Labadi (Labadie an fransè, Labadee an anglè) se youn pò ki sitiye nan kòt nò peyi Ayiti. Li se youn plaj ak otèl prive, se konpayi ki rele Royal Caribbean International ki mèt li.
Istwa
[modifye | modifye kòd]Nan lane 1991, yon jounalis di, yo pa di touris ki rive Labadi yo se Ayiti yo ye.[1],[2]
Nan mwa novanm 2001, yon gwoup bandi atake yon gwoup touris Labadee, ta sanble yo te vle vole. Polis Nasyonal Peyi dAyiti te arete bandi yo.[3]
Nan fevriye 2004, Royal Caribbean te fè yon ti kanpe sou aktivite li yo paske te gen pwoblèm politik nan peyi a.[4] Men kounye a tout bagay nòmal, Royal Caribean tounen nan aktivite l.
Nan lane 2009, Royal Caribbean depanse 55 milyon dola ameriken pou chanje imaj plaj la, e fè li pi gwo nan lide pou resevwa pi gwo bato kwazyè.[5]
Aprè gwo Tranblemanntè 12 janvye 2010 nan peyi Ayiti a, Royal Caribbean deside kontinye tout aktivite de liks yo nan plaj la. Konpayi a anonse ke l' t'ap bay youn milyon dola ameriken nan efò pou ede viktim yo.[6]
Etimoloji
[modifye | modifye kòd]Non Labadie a sòti nan non youn Fransè ki te rele Marquis de La Badie, se li ki te premye moun ki te mete pye li nan zòn sila bò lane 1600 yo. Yo chanje la Labadee pou moun ki pale anglè yo te ka pwononse l'[7].
Touris
[modifye | modifye kòd]Depi lane 1986 se Royal Caribbean International ki mennen plis touris nan peyi a. Li bay 300 moun travay e li pèmet plis pase 200 lòt vann machandiz yo nan lokal la. Li peye leta ayisyen 6 dola ameriken pou chak touris ki rantre.[8]
Plaj la regle zafè touris sèlman, li gen youn konpayi sekirite prive. Yo bare plaj la nèt, e yo pa pèmèt pasaje yo al lòt kote. Anplis gen mòn ki bare li ak rès peyi a[9]. Yo pèmèt youn gwoup Ayisyen mete biznis yo ak vann machandiz nan plaj la. Kèk lè yo konn di nan reklam Labadi se youn zile, Aktyèlman li se youn preskil nan zanviwon zile Hispaniola. Yo t'ap fè pò ki te ka resevwa gwo bato tankou Oasis class ships, ki ta dwe prè pou fen lane 2009.[10]
Nou ka jwenn mache anbilan, plaj, espò sou dlo, zip-line.[11]
Foto
[modifye | modifye kòd]
Referans
[modifye | modifye kòd]- ↑ http://books.google.com/books?id=9TctWjHHOeEC&pg=PA238&dq=labadee&lr=&as_brr=3&ie=ISO-8859-1&output=html
- ↑ http://books.google.com/books?id=yBUk0w-kXs0C&pg=PA164&dq=labadee&lr=&as_brr=3&ie=ISO-8859-1&output=html
- ↑ http://www.cruisecritic.com/news/news.cfm?ID=403
- ↑ http://www.sfgate.com/cgi-bin/article.cgi?f=/chronicle/archive/2004/02/29/TRGFF576751.TMP
- ↑ http://www.guardian.co.uk/world/2010/jan/17/cruise-ships-haiti-earthquake Cruise ships still find a Haitian berth by Robert Booth 2010-01-17 in Manchester Guardian
- ↑ R Booth, 'Cruise ships still find a Haitian berth' (20.1.2010) The Guardian
- ↑ http://books.google.com/books?id=gjADAAAAMBAJ&pg=PA22&dq=labadee&as_brr=3&ie=ISO-8859-1&output=html
- ↑ http://www.csmonitor.com/2006/0125/p01s02-woam.html Could this paradise really be poor, desperate Haiti? by Christian Science Monitor 2007-08-02
- ↑ http://www.sfgate.com/cgi-bin/article.cgi?f=/chronicle/archive/2004/02/29/TRGFF576751.TMP
- ↑ http://www.expedia.com/daily/cruise/geo/ports.asp?tiid=6024010%7C Labadee by Expedia.com 2007-08-02
- ↑ http://www.washingtonpost.com/wp-dyn/content/article/2007/01/19/AR2007011900555.html Labadee by The Washington Post 2007-08-02 - 2007-01-21