Desalinyèn
(Depi paj redireksyon « La Dessalinienne »)
'Ladesalinyèn se im nasyonal Ayiti depi lane 1904. Lodyansè Justin Lhérisson (Jisten Lerison) te ekri pawòl yo epi Fabre Nicolas Geffrard (Fab Nikola Jefra) te konpoze mizik la. Tradiksyon kreyòl la se zèv Raymond A. Moise (Remon A. Moyiz). Byenke yo poko apwouve li ofisyèlman, tout moun aksepte li depi lè Ansy Dérose (Annsi Dewoz) te popilarize vèsyon sa a nan lane 1980 yo.
Tit la se pou onore Jean-Jacques Dessalines (Janjak Desalin), premye anperè Ayiti.
Pawòl
[modifye | modifye kòd]I
- Pou Ayiti
- Peyi Zansèt yo
- Se pou n mache
- Men nan lamen
- Nan mitan n pa fèt pou gen trèt
- Nou fèt pou n sèl mèt tèt nou.
- Annou mache men nan lamen
- Pou Ayiti ka vin pi bèl
- Annou, annou met tèt ansanm
- Pou Ayiti nan non tout zansèt yo.
II
- Pou Ayiti
- nan non Zansèt yo
- Se pou n sekle
- Se pou n plante
- Se nan tè tout fòs nou chita
- Se li k ba nou manje
- Ann bite tè, ann voye wou
- Ak kè kontan, fòk tè a bay
- Sekle, wouze, fanm kou gason
- Pou n rive viv ak sèl fòs ponyèt nou.
III
- Pou Ayiti
- Ak pou Zansèt yo
- Fò nou kapab
- Vanyan gason
- Moun pa fèt pou ret ak moun
- Se sa k fè tout manman ak tout papa
- Dwe pou voye timoun lekòl
- Pou yo aprann, pou yo konnen
- Sa Tousen, Desalin, Kristòf, Petyon
- Te fè pou wet Ayisyen anba kòd blan.
IV
- Pou Ayiti
- Onon Zansèt yo
- Ann leve tèt
- Nou gad anlè
- Pou tout moun mande Granmèt la
- Pou l ba nou pwoteksyon
- Pou move zanj pa detounen n
- Pou ka mache nan bon chimen
- Pou libète ka libète
- Fòk lajistis blayi sou peyi a !
V
- Nou gen drapo
- Tankou tout pèp
- Se pou n renmen l
- Mouri pou li
- Se pa kado blan te fè nou
- Se san Zansèt nou yo ki te koule
- Pou nou kenbe drapo nou wo
- Se pou n travay met tèt ansanm
- Pou lòt peyi ka respekte l
- Drapo sila a se nanm tout Ayisyen.
Lyen dèyò
[modifye | modifye kòd]- Fichye MIDI anlè Desalinyèn sou copsrus.com