Kriz klimatik
Tèm rechofman klimatik la dezinye ogmantasyon tanperati mwayèn sou sifas tè a soti nan ventyèm pou rive nan venteyinyèm syèk[1]. Chak moun kontribye nan fason pa yo nan jete yon seri gaz nan lanati yo rele yo gaz a efè de sè[2]. Se vre te konn genyen chanjman klimatik[3] nan tan ki pase yo, men de pi nan mitan ventyèm syèk la aktivite moun ap fè gen yon enpak pèsonn pa t konn wè anvan sou sistèm klimatik Tè a. Aktivite sa yo vin lakòz gen chanjman ki fèt nan lanati toupatou nan mond lan.
Diyoksid Kabòn[4] (CO2) ak Metàn[5] (CH4) reprezante katrevendis pousan (90%) nan gaz a efè de sè akòz aktivite moun ap fè. Lè yo boule yon seri konbistib fosil tankou chabon[6], petwòl[7] ak gaz natirèl[8] pou moun kapab jwenn enèji se prensipal sous vye gaz sa yo. Mete sou sa gen fason moun yo fè agrikilti, pyebwa k ap koupe san rete ak pwodiksyon endistriyèl. Tout sa yo gen move konsekans sou klima a.
Referans[modifye | modifye kòd]
- ↑ https://science2017.globalchange.gov/downloads/CSSR_Ch3_Detection_and_Attribution.pdf
- ↑ « Gaz à effet de serre » (in français). 2022-06-18.
- ↑ « Variabilité et changements climatiques » (in français). 2022-04-12.
- ↑ « Dioxyde de carbone » (in français). 2022-05-25.
- ↑ « Méthane » (in français). 2022-05-23.
- ↑ « Charbon » (in français). 2022-04-10.
- ↑ « Pétrole » (in français). 2022-05-29.
- ↑ « Gaz naturel » (in français). 2022-05-13.