Kettly Mars

Depi Wikipedya, ansiklopedi lib
Sauter à la navigation Sauter à la recherche
Kettly Mars
Kettly Mars (2010)
Eta sivil
Dat nesans:3 septanm 1958
Lye nesans:Pòtoprens
Peyi nesans:Ayiti
Nasyonalite : Ayisyen


Gade kouman pou ou konplete biyografi sa : biyografi


Kettly Pierre Mars, rele Kettly Mars, se yon fanm ayisyen ki fèt Pòtoprens nan dat 3 septanm 1958 nan peyi Ayiti. Li ekri plizyè woman, nouvèl ak pwezi. Nan zèv li yo li montre reyalite peyi Ayiti.

Biyografi[edite | modifye sous]

Kettly Pierre Mars se yon fanm ayisyen ki fèt Potoprens 3 septanm 1958 nan peyi Ayiti. Li ekri plizyè woman, nouvèl ak pwezi. Nan zèv li yo, li montre reyalite peyi Ayiti. Aprè etid klasik li, li fè lòt etid pwofesyonèl nan administrasyon. Depi lè li te piti, li te renmen literati, men se nan lane 1990 yo ke li kòmanse ekri.

Li kòmanse travay avèk pwezi nan domèn ekri a. Se nan jan literè sa ke otè a eksprime kreyativite l epi tou li kòmanse ak lòt. Se pwezi li ekri yo ki pral montre valè sa l ekri yo. Epi otè a enterese nan ekri nouvèl epi li pibliye premye nouvèl ki se Un parfum d’encens nan vil Pòtoprens nan lane 1999. An plis, yo ba li nan lane 1996 premye prim konkou Jacques Stephen Alexis ki se yon nouvèl. Distenksyon sa te yon kòmansman pou Kettly Mars nan literati.

Enspirasyon Kettly Mars pou li ekri zèv li yo se sansyalite, lanmou, belte nati a, bagay ki fèt chak jou. Literati li a antre nan kad kouran reyalis, paske nan fason li ekri, li montre detrès sosyete ayiti a ki devaste jis nan zo avèk pwoblèm goumen nan ekonomi ak politik  epi ki toujou ap chache yon idantite. Nan zèv li yo, li poze kesyon tou sou pwoblèm  dwa fanm.

Ekri Kettly Mars yo trè reyalis. Paske yon kote li mete an valè verite ak orijinalite  eritaj miltikiltirèl li.

Li pibliye nan lane 2018 yon wityèm woman, L’Ange du patriarche ki prezante miwa sosyete ayisyen kontanporen an.

Zèv li yo[edite | modifye sous]

  • 1997 : Feu de miel (pwezi)   
  • 1999 : Un parfum d'encens (nouvèl)
  • 2001 : Feulements et sanglots (pwezi)
  • 2002 : Mirage-Hôtel (nouvèl)
  • 2003 : Kasalé, Pòtoprens : enprimè II, 2003 ; La Roque d’Antheron (Frans) Vents d’ailleurs, 2007 (woman)
  • 2005 : L'heure hybride, La Roque d'Anthéron: Vents d'ailleurs, (woman)
  • 2008 : Fado, Pari: Mercure (woman)
  • 2010 : Saisons sauvages, Pari: Mercure (woman)
  • 2011 : Le Prince noir de Lillian Russell, Pari: Mercure, (woman, avèk Leslie Péan)
  • 2013 : Aux frontières de la soif, Pari: Mercure (woman)
  • 2015 : Je suis vivant Pari: Mercure

Woman feyton yo[edite | modifye sous]

  • 2007 : Kool Kool-Klub. Port-au-Prince: L'Imprimeur II, .
  • 2008 : Kool-Klub, le temps des loups. Port-au-Prince: L'Imprimeur II, .

Nouvèl yo[edite | modifye sous]

  • Un parfum d'encens. Port-au-Prince: Imprimeur II, 1999.
  • Mirage-hôtel. Port-au-Prince: Imprimeur Caraïbe, 2002.

Pwezi yo[edite | modifye sous]

  • Feu de miel. Port-au-Prince: Imprimeur II, 1997.
  • Feulements et sanglots. Port-au-Prince: Imprimeur II, 2001.

Rekonpans[edite | modifye sous]

  • 1996 : Prim sou nouvèl Jacques Stephen Alexis, pou Soleils Contraires
  • 2006 : Prim sou kreyasyon literè Senghor, pou L'Heure hybride
  • 2011 : Prim Prince Claus pou kalite zèv ak kontribisyon li nan literati
  • 2015 : Prim Ivoire, pou woman li an Je suis vivant

Bibliyografi[edite | modifye sous]

  • Leslie Péan, La volupté de l'écriture de Kettly Pierre Mars, in Journal of Haitians Studies, 2005, p. 164-165.
  • Rodney Saint-Éloi, Kettly Mars ou la nécessaire présence du désir, Cultures Sud, 166, 2007.
  • Gary Victor, Kettly Mars dit la vie, de mieux en mieux, Notre Librairie, 158, 2005.

Referans[edite | modifye sous]

Lyen deyò[edite | modifye sous]