Henock Franklin

Depi Wikipedya, ansiklopedi lib
Henock Franklin
Image illustrative de l’article Henock Franklin
Fonksyon filozòf
Nesans
Nasyonalite ayisyen
Domèn Filozofi

Henock Franklin se yon filozòf ayisyen.

Li ekri yon liv Prens la, pasaylang an kreyòl ayisyen Trete Politik nonm Nicolas Machiavel la ki rele Il Principe a.

Prens la se yon liv filozofi politik li ye. Nan liv sa a, Niccolò Machiavelli montre kijan lè yon nonm gen pouvwa a nan men li, lè yon nonm ap dirije kijan li ta dwe aji nan chak sitiyasyon. Se sa ki pral montre kalite politik nonm sa a.

Biyografi[modifye | modifye kòd]

Henock Franklin fèt nan vil Okay nan peyi Ayiti. Se yon filozòf ayisyen ki kòmanse filozofe depi lè li te gen 12 zan nan Vil Okay nan peyi Ayiti daprè sa li di nan liv li a ki rele : Filozofi mounal la. Henock Franklin se ansyen etidyan an Filozofi Lekòl Nòmal Wo Nivo an Ayiti. Mouche se ekrimann, pasaylangmann.

Zèv li yo[modifye | modifye kòd]

  • Moun demounize : Liv Filozofi ki ap reflechi sou bagay ki demounize moun, ki anpeche moun yo soto, ki anpeche moun yo moun tout bon tankou lè zansèt nou yo te nan esklavaj. Konsa nou ka di esklavay se yon bagay demounal li ye, sa vle di, yon bagay ki demounize moun ; 2004, Edisyon Dauphin noir, 88 paj, (ISBN 978-2915887006)
  • Filozofi mounal : Liv Filozofi, kote Henock Franklin ap deplwaye prensip filozofi li a. Filozofi mounal la, nan yon mo, se yon filozofi ki ap reflechi sou bagay ou sou sa moun fè ki demounize yo, ki fè yo pèdi, sa Filozòf Henock Franklin rele, MOUNTE yo. Yon moun demounize, se yon moun ki pèdi MOUNTE li nou ta ka di tou.
  • Moun Fofò' : Liv Filozofi kote Henock Franklin ap reflechi sou yon bann fo moun fò. Yon bann moun ki di yo fò men alaverite yon pa konnen anyen vre oswa yo mal konnen. Nan liv Filozofi sa a, MOUN FOFÒ, Henock Franklin ap eseye depete savwa sa yo ki pa chita sou anyen, ki pa gen okenn fondman
  • Prens la' : Liv sa se PASAYLANG, jan Henock Franklin rele li a, IL PRINCIPE Niccolò Machiavelli a an kreyòl. Jan Henock Franklin di li a nan ANVANN pasaylang sa a, pou lang lan ka kannale, sa vle di, pike pou pi devan, li bezwen gen klasik sa yo nan literati inivèsèl la ladan li. Se poutèt sa Henock Franklin fè pasay kokennchenn liv sa a an ayisyen ; Edisyon Anibwé, 2007, 241 paj, (ISBN 978-2-916121-0-93)
    • PRENS LA, Premye edisyon, 2006
    • PRENS LA, Desyem edisyon an Ayiti, 2008
    • PRENS LA, twazyem edisyon, 2009

Referans[modifye | modifye kòd]

Lyen deyò[modifye | modifye kòd]