Hérard Abraham

Depi Wikipedya, ansiklopedi lib
Sauter à la navigation Sauter à la recherche
Hérard Abraham
Ajoute yon foto nan bwat sa a}}
Fonksyon:minis zafè diplomatik ayisyen
Eta sivil
Dat nesans:28 jiyè 1940
Lye nesans:Pòtoprens
Peyi nesans:Ayiti
Nasyonalite : ayisyen


Gade kouman pou ou konplete biyografi sa : biyografi


Hérard Abraham, ki fèt 28 jiyè 1940 nan Pòtoprens (Ayiti), se yon militè ak politisyen ayisyen. Li te yon minis zafè diplomatik ayisyen. Manda li te nan lane 1987–1988.

Biyografi[edite | modifye sous]

Hérard Abraham marye avèk Maryse Armand.

Li te chwazi antre nan Forces Armées d'Haïti (FAd’H) (Fòs lame Dayiti). Li te monte ran grad militè yo jiska rive lyetnan-jeneral epi li vin youn nan manm militè pwòch prezidan Jean-Claude Duvalier. Apati lane 1983, li dirije akademi militè a.

Sepandan, Hérard Abraham te anfavè koudeta a ki te dechouke Duvalier nan lane 1986.

Li te sèvi tankou sekretè leta Enteryè ak Defans Nasyonal epi tankou minis zafè etranjè pou premyè fwa nan gouvènman jeneral Henri Namphy a kòmansman 1987 jiska 1988. Aprè jeneral Prosper Avril te pran pouvwa a nan mwa septanm 1988, Abraram te vin kòmandan an chèf lame a, avèk ran majò jeneral.

Aprè manifestasyon te fòse Prezidan Prosper Avril pou li kite peyi a 10 mas 1990, Abraham te sèvi kòm prezidan sipleyan repiblik la (prezidan Konsèy gouvènman). Aprè twa (3) jou, li te transmèt prezidans lan bay Ertha Pascal-Trouillot, sa ki te fè Abraham premye dirijan militè ayisyen nan ventyèm syèk la ki te remète pouvwa san li pa te fòse remète li.

Nan mwa janvye 1991, kòm chèf FAd'H toujou, Abraham te ede kraze zefò Roger Lafontant pou li sezi pouvwa nan men Prezidan Pascal-Trouillot.

Nan lane 1991, Abraham te demisyone nan FAd’H epi pran retrèt li nan lavil Miyami nan eta Florid (Etazini), touprè yon lòt ansyen politisyen ayisyen, Gérard Latortue, ki vin Premye minis pita.

Nan mwa fevrye 2004, Abraham te pale sou retransmisyon radyo ayisyèn sòti Florid pou li mande Prezidan Jean-Bertrand Aristide bay demisyon li.

Aprè Aristide te kite Ayiti, Gérard Latortue te aksèpte pran pòs premye minis la. Li fòme yon nouvo gouvènman. Latortue te mande Abraham pou li sèvi kòm minis lenteryè pou dezyèm fwa a. Abraham okipe fonksyon sa a ant mas 2004 ak 31 janvye 2005. Nèf (9) mwa aprè sa, li te chanje tit pou li te kòmanse sèvi kòm minis zafè etranjè jiska 9 jen 2006.

Jou 7 oktòb 2019, pandan gwo manifestasyon toupatou nan peyi Dayiti pou fòse Prezidan Jovenel Moïse demisyone, Abraham te ekri epi pibliye yon lèt bay pèp ayisyen an. Lèt la te ankouraje chèf politik yo pou yo demontre deliberasyon ak pasyans epi rive rezoud kriz la.[1]

Zèv li yo[edite | modifye sous]

  • Sa li fè

Biblyografi[edite | modifye sous]

  • 2001 : Daniel Supplice, Dictionnaire biographique des personnalités politiques de la République d'Haïti 1804-2001. Lanno Imprimerie, Bèljik , (ISBN 9993562300)

Referans[edite | modifye sous]

  1. « iciHaïti - Crise : Message du Général retraité, Hérard Abraham ». icihaiti.com. 7 oktòb 2019. Retrieved 19 out 2020. 

Lyen deyò[edite | modifye sous]