Frantz Casseus
Frantz Casseus, ki fèt 14 desanm 1915 nan Pòtoprens (Ayiti) epi ki mouri 21 jen 1993 nan Nouyòk (Etazini), se yon gitaris ak konpozitè ayisyen . Li jwe esansyèlman mizik klasik ak mizik tradisyonèl ayisyèn
Biyografi
[modifye | modifye kòd]Frantz Casseus te fèt an 1915, nan yon fanmi modès nan Pòtoprens, Ayiti. Frantz Casseus te fè premye gita li a laj douzan, paran li pat gen mwayen pou li achte youn.
Pandan plizyè ane, li te etidye gita klasik ewopeyen an, pou kont li nan premye tan, epi avèk èd nan konpozitè alman an ak mizikològ Werner Jaegerhuber. Li te bay premye konsè li nan Pòtoprens an 1941. Aprè sa, li te defi tèt li pou li prezève entegrite mizik ayisyèn, ki an danje, daprè li, depi okipasyon militè Ameriken an 1915.
Nan yon atik ki gen tit Notre méringue se meurt…(Mering nou an ap mouri...), ki te pibliye an 1944 nan Haïti Journal, li te temwaye dekourajman li devan devalorizasyon patrimwàn mizik ayisyen an.[1]
Frantz Casseus te tou premye pwofesè gitaris ameriken Marc Ribot. Marc Ribot te jwe yon wòl enpòtan nan prezèvasyon patrimwàn mizik Frantz Casseus.[2] Marc Ribot miyò te gen yon koleksyon nòt konpozisyon gita Casseus[3] pibliye, epi li anrejistre yon disk nan zèv li nan mwa desanm 1993, anba labèl Briksèl Les Disques du Crépuscule, ki rele Marc Ribot Plays Solo Guitar Works of Frantz Casseus.
Zèv li yo
[modifye | modifye kòd]Diskografi
[modifye | modifye kòd]- 1953 : Haitian Folk Songs (Smithsonian Folkways Recordings)
- 1954 : Haitian Dances (Smithsonian Folkways Recordings)
- 1969 : Haitiana (Smithsonian Folkways Special Series)
- 1993 : Marc Ribot Plays Solo Guitar Works of Frantz Casseus (Les Disques du Crépuscule)
Referans
[modifye | modifye kòd]- ↑ Frantz Casseus sou La Musique Haïtienne
- ↑ Marc Ribot, "Frantz Casseus", Bomb Magazine, ivè 2003
- ↑ Marc Ribot, The complete works of Frantz Casséus, Tuscany Publications, 2003
Lyen deyò
[modifye | modifye kòd]- Frantz Casseus sou IMDb