Floris van Schooten
Floris van Schooten oubyen Floris Gerritzs. van Schooten, ki fèt vè 1585-90 epi ki mouri an 1656 nan Haarlem)[1] se yon pent neyelandè pandan syèk dò neyelandè.
Biyografi
[modifye | modifye kòd]Floris van Schooten fèt vè 1590 sètènman Amstèdam nan Peyiba.
Li soti nan yon fanmi katolik ki te orijinè Amstèdam ki te vin rete nan Haarlem nan lane 1612. Pandan peryòd sa a, anpil fanmi katolik te kite Amstèdam pandan Pwotestan yo te gen men sou gouvènman lokal la. Yo rete nan Haarlem kote ki pi toleran pou katolik yo.
Floris vin yon manm nan Gild Sen Lik nan Haarlem epi li marye avèk pitit fi yon bwasè byè Rycklant Bol van Zanen. Yo gen kat ( ) pitit, twa (3) pitit fi ak yon pitit gason, Johannes ki pral vin tou yon pent. Li te nonmen dwayen nan Gild Sen Lik nan Haarlem nan lane 1639. Pent Pieter Claesz, Floris van Dyck, Willem Claeszoon Heda ak Roelof Koets enfliyanse penti li.
Floris van Shooten fè anpil penti (plis pase san (100) zèv ant 1617 ak 1644),[2]) ak nou ka wè plizyè zèv li yo nan mize, kòm musée du Louvre. Li enflyanse anpil pent tankou Jacob Samuel Beck, François Garnier, Hans van Sant, ou monogramis "Vs.Z".
Li mouri nan lane 1656 nan Haarlem epi yo antere li sou 16 novanm 1656 nan legliz Grote Kerk nan vil sa a.
Li te siyen penti li yo ak monogram lan FvS. Katalòg zèv li yo te tabli nan lane 1960 yo pa Poul Gammelbo.
Zèv li yo
[modifye | modifye kòd]- Nature morte aux fruits et légumes, avec le Christ chez Emmaus en arrière-plan[3], Rijksmuseum, Amstèdam
- Nature morte avec jambon, fromage, beurre et petits pains, Mize boza Monreyal
Referans
[modifye | modifye kòd]- ↑ Biyografi Floris van Schooten sou sitwèb neyelandè RKD
- ↑ (franse) frFrance Trinque (2014). « Nature morte avec jambon, fromage, beurre et petits pains de Floris van Schooten ». Revue M du Musée des beaux-arts de Montréal. p. 12. ISSN 1715-4820.
- ↑ Œuvre de Floris van Schooten au Rijksmuseum