Féquière Lucien

Fequiere Lucien
Volo Volo de Boston
Fonksyon:Mizisyen, Chantè
Domèn:mizik
Etid:Kontablite, Imobilye
Eta sivil
Dat nesans:14 desanm 1956
Lye nesans:Pòtoprens
Peyi nesans:Ayiti
Nasyonalite : ayisyen
Rezidans : Boston
Gade kouman pou ou konplete biyografi sa : biyografi

Féquière Lucien, ki fèt 14 desanm 1956 nan Pòtoprens (Ayiti), se yon mizisyen ak chantè ki aktyèlman nan gwoup Volo Volo de Boston.

Biyografi

Féquière Lucien pran nesans 14 desanm 1956 nan Pòtoprens. Paran li Ayisyen, Philistin Lucien ak Elizabeth Bellevue. Li fè etid li nan Saint-Louis de Gonzague ak Grégoire Eugène anvan li pati pou Etazini. Nan laj 12 zan, Féquière te trè enterese nan aprann jwe gita ak chante. Lè li te gen 14 zan ak nan klas 5yèm, paran li te deside pou li ale fini etid li aletranje. Féquière pase 3 mwa Nouyòk anvan li te vin ateri nan vil Boston kote ki gen meyè lekòl ak lòt opòtinite.

Nan lane 1978, gwoup Volo Volo te chèche yon lòt chantè pou ranplase Ti Manno. Yon zanmi te rekomande Féquière kòm yon jèn atis ki tap evolye nan kominote a. Gwoup la te mande pou Féquière vin fè odisyon. Gwoup la ofri li pozisyon chantè pou gwoup entènasyonal sa a depi lè sa a. Li te gen 22 zan.

Féquière Lucien chante plizyè albòm avèk Volo Volo de Boston ak lòt gwoup kòm envite. Li chante sou plizyè mizik popilè. Li chante sou albòm La nature, Nou nan route, 14 karat gold ak 33yèm Anivèsè. Mizik popilè yo se : Do it, Fè kow sekwé, Ayanman, Nou nan route, Mélodie, Minouche, Party time, Gason pale, Haïti, Yon sèl Volo... Lòt gwoup li chante kòm envite : Racines, Koneksyon.

Atis la toujou nan gwoup la kòm chantè, konpozite ak chèf egzekitif.

Zèv li yo

• La nature
• Nou nan route
• 14 karat gold
• Mélodie
• Do it
• Fè kow sékwé
• Ayanman
• Minouche
• Party time
• Gason pale
• Yon sèl Volo

Lyen deyò

• (en) Sitwèb ofisyèl Volo Volo de Boston
• Volo Volo de Boston sou Musique.Haïti
• Volo Volo de Boston sou afromix.org
• Volo Volo de Boston sou discogs.com
• Volo Volo de Boston sou Boston Public Library