Evains Wêche
Evains Wêche, ki fèt 5 mas 1980 nan Koray (Grandans), sidwès Ayiti, , se yon ekriven ayisyen. Li se tou dantis, bibliyotekè e animatè kiltirèl.[1]
Biyografi
[modifye | modifye kòd]Chirijyen-dantis, li diplome nan Fakilte Odontoloji (Inivèsite Leta Ayiti) nan lane 2004. Li te yon bibliyotekè ak yon animatè kiltirèl depi lè li te nan Fakilte sa a. Li te travay nan Bibliyotèk Justin Lhérisson (BJL) nan vil Kafou ak Centre Numa-Drouin nan vil Jeremi, de sant kiltirèl ki fè pati rezo Bibliyotèk Fondasyon Konesans ak Libète (FOKAL). Li ede remonte Bibliyotèk Alliance Française de Jérémie an aprè pasaj siklonn Matye. Li toujou ap reyalize atelye lekti oubyen ekriti pou jenn pandan l pa janm sispann fè klinik mobil pou pote laswenyay nan tout seksyon kominal depatman Grandans lan. Aprè yon etid espesyalize nan Jesyon Sèvis Sante, li vin yon kad nan Direction Ressources Humaines (DRH) Ministè Sante Piblik ak Popilasyon (MSPP). Li ap kontribye anpil pou devlope zouti estratejik pou MSPP.
Sou kote aktivite syantifik li, Evains Wêche se yon ekriven. Li pibliye yon rekèy nouvèl, Le trou du voyeur (Henri Deschamps, 2013) ki te pèmèt li ranpote Pri Henri Deschamps 2013 (Ayiti).[2] Anvan sa, sou direksyon ekriven Gary Victor li te pibliye de nouvèl nan yon rekèy kolektif Je ne savais pas que la vie serait si longue après la mort (Mémoire d’encrier, 2012).[3] Nan lane 2014 li lage yon premye woman ki rele Les brasseurs de la ville nan menm edisyon an.[4] Yon lane pita, Edisyon Philippe Rey ta pral reprann liv sa a.[5] Li kontribye nan plizyè liv kolektif ak revi nan peyi li tankou lotbo dlo (Intranqu'ilités, Le Courage) e li se redaktè nan revi DO-KRE-I-S (Association Vagues Littéraires).[6] Li se manm fondatè Atelye Kreyasyon Marcel Gilbert nan BJL. Ansyen Sekretè Jeneral komite ekriven Centre Pen Haïti, li se Direktè Alliance Francaise de Jeremie depi mas 2023 epi manm jiri Pri literè Henri Deschamps.
Li ap viv nan vil Jeremi.
Zèv li yo
[modifye | modifye kòd]Nouvèl
[modifye | modifye kòd]- Boulvari ak Je ne savais pas que la vie serait si longue après la mort, nan Je ne savais pas que la vie serait si longue après la mort (Mémoire d’encrier, 2012)
- Le Trou du voyeur (Henri Deschamps, 2013), Pri Deschamps 2013
Woman
[modifye | modifye kòd]- Les brasseurs de la ville (Mémoire d’encrier, 2014; Philippe Rey, 2015)
- Je vivrai d'amour pour toi (Philippe Rey, 2022)[7]
Kolektif
[modifye | modifye kòd]- Je suis trop jeune pour la voisine, nan Un amour de marie. Hommage à Marie Vieux-Chauvet (Collectif)
- Nos pieds dans des sachets, nan ... des maux et des rues (Collectif, Legs Editions, 2014)[1]
- Où bat le coeur de Port-au-Prince?/Potoprens pa nan bobin, Revi Le Courage (Grasset, 2015)[2]
- Lettre à mon frère, nan Du domaine de la tolérance (C3, 2017)[3]
Rekonpans
[modifye | modifye kòd]- 2013 : Pri Literè Henri Deschamps
- 2014 : Pri Joseph D. Charles des lycéens
Referans
[modifye | modifye kòd]- ↑ fr « WECHE Evains | Archives | Congrès international des écrivains de la Caraïbe ». Archived from the original on 2018-04-11. Retrieved 2018-04-12.
- ↑ « Kopi achiv ». Archived from the original on 2014-02-22. Retrieved 2018-04-09.
- ↑ en « Je ne savais pas que la vie serait si longue après la mort ». Retrieved 2018-04-12.
- ↑ en « Les brasseurs de la ville ». Retrieved 2018-04-12.
- ↑ fr « Les brasseurs de la ville ». Retrieved 2018-04-12.
- ↑ en « vagueslitteraires ». Archived from the original on 2017-11-07. Retrieved 2018-04-12.
- ↑ Fanchette, Frédérique. « «Je vivrai d’amour pour toi» d’Evains Wêche, vaudou trouble-deuil » (in français). Retrieved 2023-11-29.