Drapo

Depi Wikipedya, ansiklopedi lib
Aller à la navigation Aller à la recherche
Drapo nasyonal oksidantal.
Drapo katye pou Palio de Sienne.

Yon Drapo se yon moso twal ki kole nan yon bwa long, ki reprezante "yon enstitisyon, yon gwoup oubyen yon kominote : sa vle di yon nasyon, yon bout tè, yon vil, yon òganizasyon, yon konpayi oubyen yon rejiman.

Li toujou gen fòm yon rektang ki mezire 2 inite nan lajè ak 3 inite nan otè, men li konn varye tou, ki sou fòm, ki sou mezi. Li se fòm figire sa li reprezante a e li ka tankou yon blazon, yon so oswa yon inifòm. Koulè li ak anblèm li pèmèt yo li diferan ak lòt bagay ki sanble avèk li lè gen rasanbleman oubyen lagè. Depi detwi oubyen yo pran li sa vle di yo kraze oubyen pran avèk fòs, nan reyalite oubyen nan lespri, sa li reprezante a.

Drapo ki pi ansyen yo konnen se drapo chinwa yo. Yo la depi demil (2 000) an anvan Jezikri. Se Chinwa yo tou ki envante twal swa ki tise, kote bon drapo yo sanble ak sa nou gen jodi yo.

Depi lè sa, tout twal ki se valè yon siy oubyen yon mak, li pòte non drapo a. Pa egzanp, koulè drapo yo mete sou plaj ki vle si li posib pou moun benyen : wouj pou di ou pa kapab, jòn abriko pou di gen danje, vèt pou di ou kapab, blan pou di gen bèt (mediz). Se menm bagay la pou drapo nan espò ki vle sekirite ak pou yo avèti.

Gen kèk drapo ki vle di menm bagay toupatou, tankou drapo koulè blan yo leve anfas yon lènmi pou rann li oubyen mande yon poz.

Nan sa ki konsène lanmè yo di pito "paviyon" nan plas "drapo", kit se paviyon nasyonal oubyen paviyon kòd entènasyonal pou siyal yo ak tou pou mak ak flanm pou lòt paviyon apa.

Se Veksiyoloji ki etidye zafè drapo ak paviyon.

Referans[modifye | modifye kòd]

Lyen deyò[modifye | modifye kòd]