Diskite:Lody Auguste

Lody Auguste: se yon atis ayisyèn ki chante chanson angaje. Li deja gen 3 CD an sikilasyon : Sin pa rele ki soti an desanm 1998; Dekwoke l ki soti an desanm 2002 enpi yon konpilasyon ki soti pandan ete 2003.

Lody Auguste chante plizyè tèks Powèt Georges Castera tankou: Pitit Malere; Rankit; Bri ki kouri; M anvi chante peyi m; Kanntè; Lamayot; Poto; Sou latè... Li adopte Martha Jean Claude ak Toto Bisainthe kou modèl. Li reprann yon chante Toto Bissainthe ak yon chante Martha Jean Claude nan CD Sin pa rele. Li konpoze yon chante pour Martha Jean Claude ki rele "Fanm vivan pa konn mouri".

Nou ka koute Pitit malere si nou klike sou adrès sa a

http://www.lehman.cuny.edu/ile.en.ile/paroles/castera_poto.html

Lody Auguste ap travay ak Pierre Rigaud Chéry denpi pase 15 lane . Pierre Rigaud Chéry konpoze enpi fè aranjman pi fè chason Lody chante. Se Pierre Rigaud Chery ki veritab reyalizatè CD "Sin pa rele a".

Lody Auguste te fè yon sejou nan peyi Kanada pou rapousiv etid metriz ak doktora nan domèn jesyon sèvis sante ak nan domèn Syans zimèn. Li fè konesans ak de lot mizisyen enteresan tankou Yoel Diaz ( yon gran pyanist kiben), Alex Bellegarde (yon kokenn kontrebasit kebekwa), Alex Gordon (yon gran pyanist anglè), Orlando Laviel ki se yon gran pèkisyonist kiben. Lody Auguste devlope yon pratik ak ekip mizisyen sa yo nan Monreyal Kebèk pou patisipe nan de espektak solidarite ak plizyè pèp (pèp Palestin, Pèp Irak...). Lody Auguste patitipe nan plizyè espektak kont lagè e pou lapè.

Lody Auguste manman tou. Li gen 2 pitit: yon gason ki rele Mandela e yon fi ki rele Kwame.

Lody Auguste enterese anpil tou nan entèvansyon kominotè nan sante. Li patisipe nan fonde yon klinik imanitè denpi lane 1993 nan Kafou Fèy, Potoprens, Ayiti pou ede fanm ak ti moun ki nan nesesite. Klinik imanitè sa a rele APROSIFA (Asosyasyon pou pwomosyon Sante Entegral Lafanmi).