Charlot jeudy
Charlot Jeudy, ki fèt 1e janvye 1984 nan Pòtoprens epi ki mouri 25 novanm 2019 nan menm vil la, se yon militan ayisyen.
Biyografi
[modifye | modifye kòd]Li patisipe nan etann mouvman dwa LGBTQ Ayiti.
Li te yon moun enpòtan nan kominote M nan (Masisi, Madivin, Monkonpè, Makomè, Miks) Ayiti, yon lòt li se yon aktivis dwa ak angajman li nan Kouraj. Charlot Jeudy te kolabore nan Massimadi, Misyon Nasyonzini pou Apiye Jistis Ayiti ak Equitas.
Militantis
[modifye | modifye kòd]Nan lane 2009, Charlot Jeudy ak zanmi li yo batay pou montre enpotans yon estrikti ki oganize pou mennen lit pou dwa moun Lgbt Ayiti, etandone li menm li te deja viktim plizye zak dikriminasyon. Lide AMIAMI boujonnen. Premye objektif la se te kreye yon seri evenman kiltirel pou kominote Lgbt. De lane apre, AMIAMI ta prale vin Kouraj nan mwa desanm 2011, ak lot priyorite tankou lit kont omofobi ak transfobi nan sosyete ayisyen an. Jeudy te gen kran poul te ale fe yon premye deklarasyon piblik nan mwa janvye 2012 nan radyo nasyonal Dayiti kote li tap denonse kretyen yo ki tap siyonen ke se peche tankou omoseksyalite ki te reskonsab goudougoudou 12 janvye 2010 la. li te sibi anpil presyon men sa pat anpeche li planifye yon lot enntevyou fwa sa nan televizyon, kote li deklare piblikman li se prezidan kouraj, yon oganizasyon kap defann kominote omoseksyel la. Ak sipo patnè etranje premye jounen intenasyonal kont omofobi ak transfobi te prale fet an ayiti 17 me 2012, yon mannye pou fe popilasyon ayisyenn nan konprann yo dwe respekte oryentasyon seksyel ak idantite jan.Li se prezidan yon ekip 7 moun ki ap dirige kouraj ak 70 lot manm aktif.
Nan yon enntevyou li bay radyo kanada nan lane 2016 Charlot Jeudy temwanye koman li difisil pou yon moun masisi an ayiti. Nan fen lane 2016 Charlot Jeudy swete lanse premye edisyon ayisyen festival massimadi nan Potoprens. Objektif massimadi Ayiti se te prezante pou premye fwa reyalite kominote Lgbt pa mwayen fim, ekspozisyon ak diskisyon. Li te vle devlope menm konsep oganis Monreyal ki rele Arc en ciel d Afrique nan lane 2009. Oganisatè yo te oblije anile tout bagay akoz menas lanmo, gwo tole nasyonal ak entènasyonal nan medya.
Nan dat 3 out 2018, misyon nasyon zini pou apiye jistis an ayiti, (MINUJUSTH) li te devwale yon pwoje intevansyon kominote Lgbt. Misyon prensipal intevansyon silal se lite kont omofobi tout pandan yo mete anavan yon kilti lape ak yon ansanm vale pozitif tankou dwa, tolerans, egalite, non ak dikriminasyon respekte chwa lavi moun ak sekirite moun. pou sa fèt, seksyon dwa moun nan minijis jwenn yon patnè nan asosiyasyon kouraj ak prezidan Charlot Jeudy.
Charlot Jeudy te manm konsèy administrasyon ejid ki se alyans entènasyonal frankofòn pou egalite ak divesite ki tabli kol Monreyal.