Charlie Chaplin (aktè)

Depi Wikipedya, ansiklopedi lib
Aller à la navigation Aller à la recherche


Charlie Chaplin
Image illustrative de l’article Charlie Chaplin (aktè)
Non nesans Charles Chaplin
Fonksyon aktè, sineas, pwodiktè fim
Nesans
Lonn
Lanmò (ak 88 ane)
Coriser-sur-Vevey Swis
Nasyonalite britanik

Charles Spencer Chaplin, rele Charlie Chaplin, (li fèt 16 avril 1889-25 desanm 1977) se yon aktè, reyalizatè, pwodiktè fim sinema britanik. Li se kreyatè yon pesonaj selèb, Charlot.

Biyografi[modifye | modifye kòd]

Charles Spencer Chaplin fèt Lonn jou ki te 16 avril nan lane 1889. Paran li yo Charles ak Hannah, se te de atis mizik òl (music-hall). Yo vin separe avan l gen twa lane. Madan Chaplin te bat dlo pou l fè bè pou l leve Charles ak premye pitit gason li an Sydney pitit deyò li a, malgre sante li pat fin nòmal ( yo te vin fèmen nan lopital sikyatri). De frè yo te ap viv nan lamizè, yo pase pi fò tan nan anfans yo nan enstitisyon pou endijan.

Lè Charles gen dis lane li vin kòmanse karyè pwofesyonèl li nan yon twoup timoun dansè klakèt ki te rele " Eight Lancashire Lads". pandan plizyè lane li jwe wòl Billy nan pyès Sherlock Holmes , se pandan Charles ap jwe wòl sa na yon sal teyat nan West End , nan vil Lonn li kòmanse fè non l epi li vin ap fwote ak yon pakèt gwo aktè ki vin aprann dramatiji.

apre kèk tan Charlie vin entegre yon lòt twoup "Casey's Circus", kote li vin briye gras ak imitasyon komik selèb li yo.

Yo te vin rekrite l nan twoup Fred Karno a, pi gwo enpresaryo britanik nan espektak kabarè. Gras ak talan komik eksepsyonèl Chaplin yo li vin tounen atis k ap mennen nan konpayi Karno a.

Nan fen lane 1913 la pandan yon toune nan mizik òl meriken yo Mack Sennett wè Charlie epi li tou angaje l nan Keystone Comedy Company nan Hollywood. La menm yon seri metraj long ak metraj kout kòmanse . Charlie kreye kostim ak makiyaj pèsonaj li a ki pral fè l pi selèb nan espas yon lane, li pran chemen glwa ak yon afeksyon ki entènasyonal okenn lòt komedyen pat janm konnen anvan sa.

An bat je li ap soti nan yon konpayi al nan yon lòt, anmezi lap pase nan konpayi anmezi l ap touche plis kòb san l pa sispann chèche yon otonomi kreyatif. Apre Keystone Company, li entegre Essanay Film Manufacturing Co. epi Mutual film Company.


Nan lane 1918, li monte estidyo pa l, en 1919 li vin ko-fondatè, avec Douglas Fairbanks, Mary Pickford ak D. W. Griffith yon mezon distribisyon endepandan ki rele United Artist. Gras ak chedèv tankou l'émigrant, Charlot soldat, le KId ou La ruée vers l'or, Chaplin bay komedi a yon lòt dimansyon non sèlman ak ekstrawòdinè talan jwèt aktè li a osnon kreyativite l, men tou nan domèn etid karaktè, emosyon ak stati sosyal ki prezan nan fim li yo.

Zèv li yo[modifye | modifye kòd]

Kèk fim enpòtan :

  • 1921 : The Kid
  • 1923 : A Woman of Paris
  • 1925 : The Gold Rush
  • 1928 : The Circus
  • 1931 : City Lights
  • 1936 : Modern Times
  • 1940 : The Great Dictator
  • 1952 : Limelight

Referans[modifye | modifye kòd]

Lyen deyò[modifye | modifye kòd]