Brigitte Bardot

Brigitte Bardot
Non nesans	Brigitte Bardot
Fonksyon	Aktris, modèl, chantèz
Nesans	28 septanm 1934 Pari
Nasyonalite	franse
Domèn	Sinema, televizyon, mizik

Brigitte Bardot (selèb tou avèk inisyal « BB »), ki fèt 28 septanm 1934 nan Pari (Frans), se yon aktris sinema, modèl, chantèz ak militant nan Dwa zanimo fransèz.

Biyografi

Brigitte Bardot te fèt nan lane 1934 nan Pari. Modèl (mannken), aktris ak chantèz, li te trè angaje nan batay pou defans dwa zannimo yo se pou sa li te kreye yon fondasyon ki pote non li pou travay sou gwo kòz sila. Bardot rete yon referans absoli nan atizay lane 1950 ak 1960 yo. Se te yon jenn atis ki te an avans sou tan li e li te demontre sa nan plizyè zak li te poze ki te parèt chokan pou anpil moun epòk la. Kom egzanp, se te youn nan premye moun ki te gen kouraj mete yon bikini sou plaj "Croisette" nan Festival Cannes ki te fèt nan lane 1953. Se gras ak fim «Et Dieu créa la femme» talan li te rive touche yon laj piblik ki ta pral fè konnen li nan nivo entènasyonal. Pandan karyè li, li te vin modèl pi gwo atis nan epòk la. Brigitte Bardot se te senbòl emansipasyon fanm ak libète seksyèl nan peryòd aktif li, li te kolabore avèk pi gwo aktè ak sineyas yo. Non li rete asosye ak Roger Vadim, Jean-Louis Trintignant, Jacques Charrier, Jean-Luc Godard ak Serge Gainsbourg. Brigitte Bardot ki te gen ti non li "BB" te jwe nan prèske senkant fim anvan li te fini karyè li nan lane 1973. Depi lè sa a, li konsakre tan li sèlman nan kòz zannimo yo.

Zèv li yo

Fimografi

• Atik detaye : Fimografi Brigitte Bardot

Teyat

• 1953 : L'Invitation au château de Jean Anouilh, metè an sèn André Barsacq

Lyen deyò

• Brigitte Bardot sou IMDb