Blaze One
| Mizisyen |
|---|
| Mizik: Rap |
Enstriman vwa |
Elisé Senora, rele Blaze One, ki fèt 5 novanm 1983 nan Pòtoprens[1], se yon rapè ayisyen.
Biyografi
[modifye | modifye kòd]Jenès
[modifye | modifye kòd]Blaze One pran nesans egzakteman dezyèm Avni Bolosse ki sitiye nan Matisan, youn nan fobou nan Pòtoprens.
Blaze One fè klas primè li nan kolèj "Jean XXIII", yon lekòl frè SakreKè yo ap dirije an Ayiti. Aprè li fè klas segondè, li te etidye elektwoteknik nan Sant Pilòt de Fòmasyon Pwofesyonèl la. Se nan lekòl li kòmanse fè kanmarad li yo pran plezi nan pasyon li genyen pou lèt, listwa ak bèl pwezi li te konn di nan klas lekòl li. Konsyan de enpòtans ki genyen nan edikasyon, lanmou li pou rap pa te anpeche li soti fini ak etid klasik li. Nan sans nou ka wè koman karyè lekòl li detèmine tou konsèp edikasyon an kòm yon mwayen emansipasyon ki kouri nan travay atistik li.
Kòmanse nan rap
[modifye | modifye kòd]Se nan kòmansman deseni 1990 la li kòmanse koute mizik rap, an patikilye nan mizik Mèt Dji yo. Atis sa pami rapè lokal mizik li te enfliyanse lanmou Blaze One genyen pou rap. Nan lane 2006, li te genyen konpetisyon "lari pwop" ki Yele Ayiti te òganize. Kòm rapè, li te kontinye fè premyè zam li yo nan gwoup Ipap Most Deep anvan li te al jwenn klik rapè sektè DBA (denye bout anba), pou fòme gwoup NGS a (New Jenerasyon eskwadwon) ki pòte ansanm rapè tankou DRZ, CP, Kolonèl Gep, Tenas, 2za. Nan gwoup sa a li jwe mizik tankou " Non Chef" ak "NGS-14-7.19".
Karyè solo
[modifye | modifye kòd]Blaze One Rap pran anavyi sèn rap la nèt aprè tranblemanntè 12 janvye 2010 a. Federal, se premye tit ki bay yon popilarite. Nan mizik sa li dekri reyalite prizonye yo nan pi gwo sant prizon an Ayiti. Mizik sa te lanse siksè karyè solo.[2] Depi lè sa a, li kontinye avèk tit ki pouse li plis sou sèn nan ipap la an Ayiti. "Gran dosye "(ki te sou premye Albòm li an) " Pou fanm" " Istwa de Ayiti" "Jewografi Ayiti" "Remed Fey yo" se pami tit yo kote Blaze One chame piblik li ak kapasite atistik li yo. Blaze One. Konsa, li te evite pyèj atis ki rete nan espas biwo medya yo lè popilarite a ap vole. Blaze One, avèk talan li, pèsonalite li, ak pawòl byen estriktire li yo,ki fè l demake l de lòt modèl rapè yo.
Blaze One pa sèlman kontante pou l prezan sou pifò afich nan Pòtoprens oswa sou sèn pou pèfòmans. Dènye albòm estidyo l te sòti a te gen kenz mizik ladan l e "Remèd fèy," se youn nan mizik ki te tounen yon im tout kote w pase nan peyi a.
Zèv li yo
[modifye | modifye kòd]Albòm
[modifye | modifye kòd]- Gran dosye
- Dekolonisazyon mantal
- Pi Lwen Ke Lorizon
Referans
[modifye | modifye kòd]- ↑ fr « Blaze one "Je suis au dessus de tous les rappeurs" ». lenouvelliste.com. 6 septanm 2013. Retrieved 18 avril 2019.
- ↑ « Je suis different des autres ». nrapmagazine.blogspot. Archived from the original on 2019-04-19. Retrieved 19 avril 2019.