Seksyon kominal Pemèl

Depi Wikipedya, ansiklopedi lib
(Depi paj redireksyon « Seksyon Kominal Pemèl »)
foto bibliyotèk vwadlajenès ponwoch twazyèm seksyon Pemèl
Tablo prezantasyon seksyon kominal Pemèl
Rejyon Peyi Depatman awondisman Komin seksyon
Karayib Ayiti Nip Miragwàn Fondènèg twazyèm Pemèl

Istwa[modifye | modifye kòd]

Pemèl se twazyèm seksyon nan komin Fondènèg, (nan franse : Fond-des-Nègres)[1] li te yon lokalite ki te egziste depi nan moman komin Miragwàn te nan depatman Grandans, lè sa a li te nan katriyèm seksyon komin Miragwàn.[2]

Lokalite[modifye | modifye kòd]

Pemèl ki se twazyèm seksyon kominal Fondènèg[3] gen plizyè lokalite ladann, nou ka site: Bouka, Bitet, Ponwoch, La jovany, Kadet, Kokoye mengret, Rivyè sèch, Pila, nan Kowos, nan Kolo, Pemèl, kadwa, didye, pakbef, ak fò bezwen.[4]

Administrasyon[modifye | modifye kòd]

Se yon konsey administrasyon ki gen 3 moun nan tèt li, 2 gason ak yon fanm kap jere seksyon an,[5] biwo konsèy sa a sitiye nan lokalite Pemèl.

Biwo leta[modifye | modifye kòd]

Nan seksyon sa a gen 2 grenn biwo leta : se biwo KASEK la ak yon biwo distri eskole (BDS).

Ekonomi[modifye | modifye kòd]

Nan seksyon Pemèl gen plizyè aktivite ekonomik, pa egzanp gen min sab, gen ponp gazolin, gen yon mache piblik ki fonksyone chak dimanch, gen mòg, gen gwo depo pwovizyon alimantè ak materyo pou konstriksyon, gen anpil aktivite agrikol ak elvaj tou. IHSI fe konnen ke 80% fanmi yo se nan aktivite agrikòl yo viv nan seksyon sa a.[6]

Sous dlo[modifye | modifye kòd]

Gen plizyè sous dlo nan seksyon kominal sa a, genyen ki nan zon Lajovanj, genyen ki nan zòn Kokoye mengret, genyen ki nan zòn Kadet.[7]

Rivyè[modifye | modifye kòd]

Nan seksyon an genyen yon sèl rivyè ki soti depi nan zòn Bitet, li travèse ponwoch, li travèse Pemèl, li travese Bouka ak Pila. moun zòn nan itilize li pou yo benyen, lave rad ak pou yo bay bèt bwè dlo.

Dispansè[modifye | modifye kòd]

Nan seksyon an gen yon sèl dispansè. Li rele "Dispensaire Saint Joseph de Pemerle". Li sitye nan lokalite Pemèl.[8]

Lekòl[modifye | modifye kòd]

Nan seksyon sa a gen anpil lekòl prive ak lekòl piblik, nou ka site : lise Sen Jozef Pemèl[9], lekòl nasyonal Sen Jozef Pemèl, lekòl EFAKAP Bitet, Lekòl Lafanmi, Lekòl "Univers des adolescents", Lekòl "Academie de Mama", Lekòl "Village des enfants", Lekòl congreganiste des enfants de Jesus, Lekòl kominote didye.

Legliz[modifye | modifye kòd]

Nan seksyon Pemèl gen plizyè legliz. Gen 2 legliz katolik, youn se pawas Sen Jozef ki nan lokalite Pemèl, loòt la se yon chapel ki nan lokalite kokoye. apresa gen plizye lot legliz pwotestan tankou, legliz batis redanpsyon ponwoch, legliz batis MEBSH pemel, legliz kay Frere Jean.[10]

Teren foutbòl[modifye | modifye kòd]

Nan seksyon an gen youn nan pi gwo teren foutbòl ki genyen nan komin nan. Li twouve li nan lokalite Pemèl. Gen yon klib nan zòn sa a ki rele AKOLAD[11] ki ap jwe nan dezyèm divizyon.[12]

Enstitisyon finansye[modifye | modifye kòd]

Nan seksyon an gen plizye biwo kap fè aktivite lajan, gen yon kes popile ki rele CAPOSAJ[13], gen yo biwo Tout kote ki pemet moun fe tranzaksyon Inibank[14], gen yon biwo Westen Inyon ki voye ak resevwa lajan.

Teren pou lòt aktivite espò[modifye | modifye kòd]

Nan seksyon kominal Pemèl pa gen okenn teren pou pratike okenn lòt espò, sèlman nan lakou lekòl yo, gen kèk panye basketbòl.

Espas pou lwazi ak detant[modifye | modifye kòd]

Gen plizyè kote moun ka ale pou lwazi ak detant nan seksyon an, Gen espas night club, gen ka ilamene, gen Polo Bistro, gen Dezulma Guest House, gen Night club ka Jan Mari Masseus Bouka.

Referans[modifye | modifye kòd]

  1. « Fond-des-Nègres, un pôle attractif pour les affaires - Boyomagazine ». Boyomagazine. 2017-09-01. Archived from the original on 2018-08-29. Retrieved 27 out 2018. 
  2. (angle) en « Miragoane souvenirs, memories - 3eme Section Pemerle ». Retrieved 2018-08-26. 
  3. « Découverte - Guide d'Haïti ». Archived from the original on 2018-09-28. Retrieved 2018-08-27. 
  4. « Home ». Archived from the original on 2021-03-05. Retrieved 2018-08-27. 
  5. « Haïti - FLASH : Résultats définitifs ASEC, CASEC et Délégué de ville - HaitiLibre.com : Toutes les nouvelles d’Haiti 7/7 ». HaitiLibre.com. Retrieved 27 out 2018̈.  Check date values in: |access-date= (help)
  6. « Département des Nippes ». Retrieved 2018-08-27. 
  7. « La Source, Pemerle, Miragoâne, Haiti on the Elevation Map. Topographic Map of La Source, Pemerle, Miragoâne, Haiti. ». elevationmap.net. Retrieved 27 out 2018. 
  8. « Dispensaire Saint Joseph Pemerle ». Retrieved 27 out 2018. 
  9. « Lycée saint joseph de Pemerle (Fonds-des-Nègres, Nippes Haïti) - Fonds-des-Nègres, Grand' Anse, Haïti - Lekòl | Facebook ». Retrieved 2018-08-27. 
  10. Marie Fouche (2018-06-18). « Saint Joseph Epoux de la Vierge Marie-Pemerle, Miragoane ». 
  11. (franse) fr « Le derby gros-mornais comme saveur des demi-finales ». Quotidien Le National. 2016-12-14. Retrieved 2018-08-28. 
  12. (angle) en Groll, Daniel. « Accolade de Fonds-des-Nègres - Haiti - - Club Profile, Club History, Club Badge, Results, Fixtures, Historical Logos, Statistics ». Retrieved 2018-08-28. 
  13. « Caposaj ». Retrieved 2018-08-28. 
  14. « liste des agents autorisé - Anciens Et Réunions ». Retrieved 2018-08-28. 

Lyen deyò[modifye | modifye kòd]