Raquel Pélissier
Raquel Pélissier, ki fèt 21 out 1991 nan Pòtoprens (Ayiti), se yon mannken ak pèsonalite ayisyèn, eli Mis Ayiti an 2016 e premyè dofin Mis Linivè 2016.
Biyografi
[modifye | modifye kòd]Lè li te gen twa (3) zan, li te pase venteyen (21) jou nan koma epi li vin soti paralize pandan yon semèn.[1]
Nan lane 2010, li te pami moun ki sove yo nan tranbleman tè a ann Ayiti ki te lakòz lanmò plis pase 200 000 moun.
Nan lane 2011, Raquel Pélissier demenaje al rete nan peyi Espay pou etidye loptometri nan inivèsite Complutense,[2] yon fason pou li te ka ede grann li, ki soufri pwoblèm vizyon.
27 out 2016, li te kouwone Mis Ayiti, li te tou vin reprezantan Ayiti pou Mis Linivè 2016[3].
Ale l' nan Mis Linivè a, te chaje ak anpil difikilte. Sitou aprè katastròf ki te frape Ayiti pandan lane 2016 la, espesyalman siklòn Matye a, esponnsò lokal yo pat rive bay sipò finansye pou kandida a, kidonk li te vin oblije konte sou apèl atravè Entènèt ak don lòt patikilye, pou l te ka jwenn lajan ki nesesè pou patisipasyon li an. Aprè li te fin jwenn kantite kòb ki nesesè a, li al reprezante peyi l nan 65yèm edisyon Mis Linivè, ki te fèt, nan Mall of Asia Arena nan Pasay (Filipin). Aprè evènman sila a, ki te dire 2 zèd tan, li eli premyè dofin Mis Linivè 2016. Sa a se premye fwa depi 1975 ke Ayiti klase nan pozisyon sa a.
Referans
[modifye | modifye kòd]- ↑ France Antilles
- ↑ Raquel Pélissier, jeune Haïtienne miraculée dauphine de Miss Univers, sur martinique.franceantilles.fr (3 fevriye 2017)
- ↑ « Kopi achiv ». Archived from the original on 2018-07-09. Retrieved 2018-07-16.