Nègès Mawon
Nègès Mawon se yon òganizasyon ki ap travay nan domèn kilti ak edikasyon nan fè prevansyon kont vyolans sou fanm an Ayiti. Li pa gen objektif fè pwofi finansye.[1]
Istwa[modifye | modifye kòd]
Négès Mawon fonde an 2015. Se yon òganizasyon feminis ki ap goumen pou emansipasyon fanm yo ak liberasyon fas avèk tout fòm vyolans ak opresyon yo soufri. Daprè kowòdonatè jeneral la, Pascale Solages, òganizasyon an te fèt gras a reyinyon jèn sosyo-pwofesyonèl ak atis ki revòlte devan kondisyon fanm yo ann Ayiti.[1]
Aktivite[modifye | modifye kòd]
Pou lite kont vyolans sou fanm epi bay kontribisyon li pou yon sosyete ki pi egalitè, Nègès Mawon itilize chanèl atistik tankou mizik ak teyat nan entèvansyon li yo. Nan yon sosyete kote ekspresyon sa yo souvan itilize pou transmèt kòmantè ki diskrimine fanm, òganizasyon an te gen entèlijans pou itilize yo pou ogmante konsyantizasyon sou kòz fanm yo. Depi 2016, òganizasyon an te lanse yon festival feminis ki fèt chak ane. Kisa sa ye ? Tankou nenpòt ki lòt festival, li pote ansanm yon seri aktivite : konferans, atelye, espektak ak anpil lòt aktivite yo itilize pou fè militans feminis. Se yon pretèks pou pale pou feminis, pou sansibilize sou rapò ki egziste ant fanm ak gason an Ayiti.[2]
Nan kad Jounen Entènasyonal pou "Eliminasyon Vyolans sou Fanm" ak 16 jou aktivis epi kèk mwa apre premye festival yo a, òganizasyon feminis Nègès Mawon lanse kanpay "Mwen p ap konplis" la[3]
Gade tou[modifye | modifye kòd]
Atik sa a gen yon demand pou relekti pa Atelye relekti.
Referans[modifye | modifye kòd]
- ↑ 1,0 et 1,1 (franse) fr says, PIBb. « Nègès Mawon, l’art au service de la cause des femmes ». Mus'Elles. Retrieved 2021-02-13.
- ↑ (franse) fr « Nègès Mawon : « Feminis ? Poukisa ? » ». lenouvelliste.com. Le Nouvelliste. Retrieved 2021-02-13.
- ↑ (franse) fr « Nègès Mawon lance la campagne “Mwen p ap konplis” ». lenouvelliste.com. Le Nouvelliste. Retrieved 2021-02-13.