Seksyalite

Depi Wikipedya, ansiklopedi lib
Ale nan: Navigasyon, Fouye

Seksyalite se ansanm aktivite ki rantre nan zafè fè bagay ant fanm ak gason, ant fanm ak fanm, ou ant gason ak gason. Nan ka relasyon seksyèl ant gason ak fanm, yo rele sa eteroseksyalite. Nan ka relasyon seksyel ant fanm ak fanm, ou ant gason ak gason yo rele sa omoseksyalite. Seksyalite se yon bagay ki konplèks, kwake li relye ak repwodiksyon, yo pa nesesèman menm bagay -- omwen yo pa menm bagay nan ka kretyen vivan. Seksyalite ranpli yon kokenn chenn fonksyon psikolojik ki diferan de aspè byolojik ak repwodiktif yo. Bèt fè bagay lè yo anvi fè pitit, men lezòm fè bagay plis pou plezi koporèl ak emosyonnèl. Depi ou renmen yon moun womantikman, ou gen tandans gen anvi fè bagay ak li. Nan sans sa nou itilize seksyalite pou eksprime fizikman sa nou santi nan kè nou. Men se pa tout zak seksyèl ki relye ak emosyon womantik. Kòm zafè seksyalite se yon bagay ki konplèks, ap gen devyasyon ke nou ka konsidere kòm annomali pato-psikolojik. Pa egzanp, pedofilya ak besyalite se aktivite pato-psikolojik ke yo ye. Pedophilya se yon preferans seksyèl pou timoun, besyalite se yon aktivite seksyèl avèk bèt, e nekwofilya se fè bagay ak moun mouri.