Kretyen

Depi Wikipedya, ansiklopedi lib
Ale nan: Navigasyon, Fouye

Kretyèn se yon moun ki kwe ke Jezikris se sovè mond la e ki kwe nan Sent Bib la.

Kretyèn se feminen de kretyen.

Doktrin[edite | modifier le wikicode]

Kretyen an deside pou li viv lavi-l nan yon sans ki konfòme avèk prensip Jezikris etabli diran sejou-l sou latè. Prensipalman, « Trete lòt moun kòm ou-menm ta renmen lòt moun trete w ». Yon kretyen aksepte ke Jezi se reyèlman mesi esperans jwif yo (i.e. Kris). Moun sa kwè ke konfians li mete nan Jezi kòm Pitit Bondye (yon deklarasyon Jezi fè konsène tèt li-menm) ba li rezon pou l viv avèk espwa nan vi prezan. Pi enpòtan toujou, moun nan konfese ke aprè lamò, li prale nan paradi, kote Jezi deja prepare yon plas pou li. Ki vin jistifie li devan Bondye, ki fè fidèl sa merite ale nan syèl aprè lamò. Moun sa dakò avèk totalite doktrin kretyen-an, souliyen nan Nouvo Testaman, pa Jezi, apòt li yo kòm Jan ak Pòl, ak lòt disip apòt li yo tankou Timote.

Orijin[edite | modifier le wikicode]

Nan Bib la, mo kretyen an parèt premyeman nan liv Travay apòt yo. Kote ki ekri: « Apré sa, Banabas alé lavil Tas, al chèche Pòl. Lè l jwenn li, li mennen l lavil Antiyòch. Yo pase yon ane ansanm ap fè reyinyon avèk legliz laba, ansegne moun sa yo ». Se nan menm chapit sa, nan liv Travay, nou trouve ekri : « Se nan lavil Antiyòch yo te rele disip yo kretyen pou premye fwa » (Travay 11:25-26).