Atis Constant

Atik sa a se yon ebòch.

ou kapab pataje konesans ou pandan w ap amelyore l (Kijan ?).

Mizisyen

Atis Constant

Atis Constant (2015)


Nesans	29 oktòb 1990 (34 ane) Kafou,
Nasyonalite	ayisyen
Peyi nesans	Ayiti

Compléments

Li fè mizik ak moun sa yo : P-jay, Becke O, Dao Blacka, Mr josue, James

Mizik: Pop, Konpa, R&B

Enstriman

gita, vwa

John’s Herbert Constant, rele Atis Constant,^[1] , ki fèt 29 oktòb 1990 nan komin Kafou ki sitiye nan zòn lwès nan Pòtoprens, se yon mizisyen, chantè, konpozitè ayisyen.

Yo te vin rekonèt li nan peyi a apre patisipasyon li 3 fwa nan yon konkou chante nasyonal ki rele Digicel Stars an Ayiti, nan ane 2010. Li te arive 8yèm finalis, apre sa li te 4yèm 2 fwa nan 2011 e 2014. Constant apèn lanse tèt li sou mache entènasyonal la nan ane 2016 ki sot pase a, kote ke li genyen dezyèm pri nan konkou chante Prix Découvertes Rfi^[2] ke Radio France International òganize chak ane Bondye mete.

Biyografi

Li fèt nan dat ki te 29 oktòb 1990 nan zòn kafou, manman li se moun Jeremi, papa li se moun Ti Rivyè de Nip (komin). Constant te komanse chante lè l te gen 6 lane, nan mitan fanmi li, nan legliz epi avek kèk gwoup zanmi. Li grandi nan yon fanmi kretyen nan yon zòn ke yo rele Bizoton ki sitiye nan komin kafou nan depatman lwès. Lè Constant te piti li te plis enèrese jwe foutbòl, li te menm reve vin yon gwo foutbalè pwofesyonèl. E fò m diw li te gentan fè plis ke 1 an nan yon klèb foutbòl lokal ki rele A.S.T nan menm komin kafou a, lè sa a li te gen douzan, men sa pat anpeche li toujou gen lanmou pou mizik. Aprè l' te vin kite klèb la a trèzan anviwon, li te vin konsakre l' plis nan mizik el te tou fè pati yon gwoup ke li ak zanmi l te fonde ki te rele The Three J's se te Jameson Lemorin, Jean Valmey Domond ki se yon atis pent alè kile epi John's Herbert Constant, chak te gen J nan non yo se sak fe nou te bay group la non sa a. e depi lè sa a atis la te komanse konpoze e ekri mizik poukòl.

Aprè li te vin rankontre yon pèsonaj ki rele Pierre Roland Belot ki se yon atis pent e mizisyen. Atis la te vin bon zanmi ak pesonaj sa a, e li te komanse montre Constant jwe gita. Apre John's Herbert te fin aprann kèk akò gita, li te komanse chante patou nan vwazinaj li. Li te vin bay mizik la plis enpotans e komanse jwe nan aktivite kiltirèl.

Men se nan ane 2010 li te fè premye gwo aparisyon li nan yon konkou ke yo rele Digicel Stars, an dyo avèk zanmi li Asmath Mackendy ki se yon mannken pou kounya. Se le sa a piblik ayisyen an te kòmanse renmen Constant grasa tèks mizik orijinal li yo ke yo te renmen e aptitid li genyen pandan lap jwe gita e chante an menm tan.

Zèv li yo

2011 : Ou Bèl ː premye senp li anrejistre kap pale de jan yon fanm ayisyèn bèl
2012 : Bal Fil
2013 : Ti Jo & Sline
2014 ː Mizik Se Medikaman'm ː Senp avèk P-jay yon rapè ayisyen ki trè popilè
2015 ː Mizik Se Medikaman'm ː Albòm, vèsyon nimerik

Referans

↑ http://beauparloir.mondoblog.org/tag/atis-constant/
↑ « Kopi achiv ». Archived from the original on 2016-11-06. Retrieved 2017-03-05.

Lyen deyò

Paj ofisyèl Atis Constant
dezyèm Loreya konkou RFI a
Atis Constant, finalis Pri Découvertes sou musique.rfi
Biyografi Atis Constant sou musicinafrica.net
Atis Constant sou lenational.org

[1] ttp://beauparloir.mondoblog.org/tag/atis-constant/

[2] « Kopi achiv ». Archived from the original on 2016-11-06. Retrieved 2017-03-05.

[1]

[2]