Pierre de Ronsard
Pierre de Ronsard, fèt an septanm 1524 nan Chato pwasonyè, tou prè vilaj Koutisilwa nan Vendomwa. Li mouri desanm 1585 Pyere Sen Kosm nan Tou, li se youn nan powèt fransè pi enpòtan nan XVIe syèk lan.[1]
« Prens powèt yo e powèt prens yo », Pierre de Ronsard[2] se youn nan figi majè nan literati poyetik Renesans lan. Li se otè plizyè tèks djanm pandan nenpòt trant (30) lane ki charye pwezi angaje nan kontèks gè relijyon avèk zèv sila a Les Hymnes et les Discours (1555-1564), ni sou epope tou avèk La Franciade (1572) oswa pwezi lirik de rekèy Les Odes (1550-1552) ak Amours (Les Amours de Cassandre, 1552 ; Continuation des amours, 1555 ; Sonnets pour Hélène, 1578).
Ronsard enspire li de kreyatè antik yo. Li itilize nan travay li fòm od lan (Mignonne, allons voir si la rose) ak im, yo konsidere yo tankou fòm majè. Men li plis itilize sonè ke Clément Marot[3] vini avè li an Lafrans nan lane 1536. Ladann li anplwaye dekasilab (Mon dieu, mon dieu, que ma maistresse est belle !, Les Amours, ou Je vous envoye un bouquet…, Continuation des Amours) tankou mezi « modèn » Aleksandren an (Comme on voit sur la branche…,[4] Second Livre des amours, ou Quand vous serez bien vieille…, Sonnets pour Hélène).
- ↑ « Pierre de Ronsard » (in français). 2025-10-18.
- ↑ « Pierre de Ronsard » (in français). 2025-10-18.
- ↑ « Clément Marot » (in français). 2025-08-30.
- ↑ « Second Livre des amours » (in français). 2022-05-16.