Paul Lochard
| Nesans | |
|---|---|
| Nasyonalite | |
| Aktivite |
Paul Lochard, se yon ekriven Ayisyen ki te fèt nan vil Tigwav nan lane 1835 epi ki te mouri an 1919.
Biyografi
[modifye | modifye kòd]Paul Lochard te fèt nan lane 1835 nan vil Tigwav. Li te mennen yon karyè kòm pwofesè, answit yo te nonmen li direktè ladwàn nan Pòtoprens . Nan ane 1900 yo, li te nonmen chèf jounal ofisyèl Le Moniteur , . Li se yon kretyen devwe, pwezi li yo enspire anpil sou sa. Kontrèman ak moun ki te viv menm epòk avè l yo, yo pa konsidere Paul Lochard kòm yon powèt womantik .
Zèv yo
[modifye | modifye kòd]Paul Lochard pibliye de rekèy pwezi :
- "Les Chants du soir" (Pari, Enprimri Kugelmann, 1878)
- " Feuilles de chêne" (1907)
Estetik oswa atizay powèt la
[modifye | modifye kòd]Paul Lochard se yon ekriven ki pa vrèman womantik. Nan travay li yo, li pa renmen mete tèt li sou sèn pou pataje santiman entim li yo avèk nou. Nan "Les Chants du soir," lanmou frisonnen nan kèk vè, men li pa parèt anpil nan "Feuilles de chêne" . Li pa pa devlope nonplis lakay li santiman pou lanati. Pafwa Lochard mansyone peyi li, men nan yon langaj twò jeneral, san l pa devlope kesyon pitorèsk ak imaj twopikal .
Li kwè anpil nan Krisyanis, pwezi li a se alafwa relijye ak filozofik, pafwa avèk aksan patriyotik. Se poutèt sa, li pa yon womantik nan sans ke li pa dekri santiman kè a ni dekri cham peyizaj twopikal ki chè pou powèt Ayisyen yo. Paul Lochard tire enspirasyon li nan rechèch espirityèl li [1] .
Gen kèk kritik Ayisyen [⁵] ki remake nan de (2) rekèy otè a, “ Chants du soir ” ak “Feuilles de Chêne”, tèm Patri, melankoli, santiman kretyen epi yo souliye dimansyon filozofik nan zèv li yo. Eddy Arnold Jean, nan esè li a "Le Dix-neuvième siècle haïtien - Littérature Haïtienne [⁵]", te mete aksan sou " santiman nòb yo, [...], pa egzanp, enkyetid pou bonè ak avni Patri a, ekzasperasyon devan enjistis nan mond sa a, [...], angwas konsyans ki dechire nan konfli konplike ant rezon ak lafwa "[⁵] . Doktè Ghislain Gouraige, ke Eddy Arnold Jean te site, te wè nan Paul Lochard “ youn nan powèt ki pi imen nan literati ayisyèn nan fason li eksprime lafwa li, soumisyon li devan Bondye ak sousi li pou bonè peyi li"[⁵] .
Referans
[modifye | modifye kòd]- ↑ Ferolus, Guy (2022-03-18). « Paul Lochard, le poète et la foi ». Haïti Inter (in français). Retrieved 2024-08-02.
Lyen ekstèn
[modifye | modifye kòd]Catégorie:Article de Wikipédia avec notice d'autorité Catégorie:Page utilisant le modèle Autorité avec un paramètre local Modèl:Portail