Languedoc

Vil Toulouz, ki travèse pa Garonne, se kapital Langedòk nan sans restriktif la, epi nan sans laj la, kapital tout Oksitani kiltirèl la, mo "Occitanie" a se yon derive nan vèsyon laten "Peyi / Tè lang Òk (lang oksitan) an" (Occitania).

Langedòk (le Languedoc nan lang franse, lo Lengadòc nan lang oksitan), abrevyasyon pou "Pays de Langue d'oc" (Tè Lang Oksitan an), li se youn nan 7 rejyon Oksitani yo, koresponn apeprè ak aks Toulouz-Mediterane a, ki gen ladan Peyi Foix (Ariège), Carcassonne, Narbonne (Aude), Béziers ak Montpellier (Hérault). "Occitania," ki te ban nou "Occitanie" an franse, se te senpleman fòm laten medyeval Peyi ki pale Òk (ki pale oksitan).

Pafwa, yo rele Guyenne, yon rejyon nan Oksitani ki sitiye nan nò zòn Toulouz nan Languedoc, "Anwo Langedòc". Guyenne "Anwo Languedoc" koresponn apeprè ak basen twa rivyè bò dwat ki koule nan Garonne (Dodogne, Lot, ak Tarn). Yo rele l "Anwo" Langedòk paske rivyè sa yo soti nan mòn Masif Santral la, sa ki fè l yon rejyon jeneralman montaye, alòske aks Toulouz-Mediterane a nan yon altitid ki pi ba, yon tè ki gen vale (Garonne, Ariège), ti mòn (Lauragais), ak litoral.