Kathia Verdier
| Ministè (en) |
|---|
| Nesans | |
|---|---|
| Nasyonalite | |
| Fòmasyon |
Administration publique générale (d) Administrasyon piblik Lisans |
.png)
Kathia Verdier, fèt nan lane 1994 nan Pòtoprens, diplome nan Gouvènans ak Administrasyon Piblik, ak yon espesyalizasyon nan kominikasyon, se Minis Ayisyen k ap viv nan peyi letranje (MHAVE) [1] .
Biyografi
[modifye | modifye kòd]Kathia Verdier te pran fonksyon kòm Minis nan dat 19 novanm 2024 [1] devan Konsèy Tranzisyon Prezidansyèl la, ki te prezide pa Lesly Voltaire, Premye Minis Alix Didier Fils-Aimé ak lòt wo grade nan Ministè a [2] . Nan diskou li a, Minis Verdier mete aksan sou enpòtans dyaspora ayisyen an nan rekonstriksyon peyi a [3] . Kathia Verdier te rankontre ak Anbasadè Etazini Ayiti an, Dennis Bruce Hankins, sa ki te pèmèt li diskite sou kondisyon Ayisyen k ap viv nan peyi Etazini epi ranfòse kolaborasyon nan mitan de enstitisyon yo [4] . Li te rankontre ak anbasadè Meksiken an e li angaje l pou l defann dwa Ayisyen k ap viv nan peyi letranje epi travay ak plizyè patnè pou asire pwoteksyon ak entegrasyon yo [5] . Li akonpaye tou depòte ayisyen yo[1] .
Pakou akademik
[modifye | modifye kòd]Kathia Verdier te fè etid primè ak segondè li nan Nouveau Collège Bird epi College Marie Anne. Li te kontinye etid li nan gouvènans ak administrasyon piblik, pandan l ap espesyalize l nan kominikasyon. Li te kontinye fòmasyon l nan zafè jesyon ONG, finans ak komès entènasyonal. Anplis de sa, li te kòmanse etidye kontablite, byenke l pa t fini l [6] .
Kathia Verdier te angaje l nan domèn gouvènans, kominikasyon ak administrasyon [6] .
Pakou pwofesyonèl
[modifye | modifye kòd]Kathia Verdier gen 14 lane eksperyans nan administrasyon ak jesyon operasyon [7] .
• Depi avril 2021 : Direktè operasyon nan sant kretyen pou Lavi Piblik / Vision Foundation for Haiti and the World (VIHAMO).
• 2019-2021 : Direktè Operasyon Family Cash, yon antrepriz nan zafè sèvis finansye ki opere nan zòn metwopolitèn Pòtoprens lan.
• 2018-2019 : Direktè Administratif nan International Sea Food (ISF), ki espesyalize l nan ekspòtasyon pwodwi lapèch.
• 2016-2018 : Responsab Operasyon nan Fondasyon Eric Jean Baptiste.
• 2015-2016 : Asistan Administratif nan FAST & amp; BEST SERVICES S.A.
• 2011-2015 : Asistan Administratif nan DEKA GROUP, kote li te bay sipò ki esansyèl nan lojistik ak distribisyon nan mak tankou Bongu, Actimed ak Apollo Motors.
• 2010-2011 : Asistan administratif nan Lopital St-Luc (Petits Frères et Sœurs).
Referans
[modifye | modifye kòd]- 1 2 3 « Kathia Verdier : une vision unificatrice pour rapprocher la diaspora et Haïti ». NETALKOLE MEDIA (in français). 2024-11-20. Retrieved 2025-02-13.
- ↑ « Kathia Verdier : une vision unificatrice pour rapprocher la diaspora et Haïti ». NETALKOLE MEDIA (in français). 2024-11-20. Retrieved 2025-02-19.
- ↑ Toussaint, Jenny (2024-11-20). « La Ministre Kathia Verdier prône le « renforcement des liens entre Haïti et la diaspora » ». Hebdo24 (in français). Retrieved 2025-02-19.
- ↑ Jean, Anderson (2025-01-17). « Kathia Verdier dévoile de nouvelles perspectives pour la diaspora haïtienne ». Vant Bèf Info (VBI) (in français). Retrieved 2025-02-17.
- ↑ Chery, Jacky (2025-02-12). « Migration haïtienne : Kathia Verdier renforce la coopération avec le Mexique - alaminute.info » (in français). Retrieved 2025-02-17.
- 1 2 « Kathia Verdier: une femme de leadership au service du développement et de l’action sociale ». lenational.org/ (in anglais). 2015-09-23. Retrieved 2025-02-17.
- ↑ « La Ministre Kathia Verdier, une jeune technicienne au brillant parcours ». hci-ht.com (in anglais). Retrieved 2025-02-17.