Ernst Mirville

Depi Wikipedya, ansiklopedi lib
Sauter à la navigation Sauter à la recherche
Ernst Mirville
Ajoute yon foto nan bwat sa a}}
Fonksyon:ekriven, lengwis, sikyat, powèt
Domèn:literati, Lengwistik, edikasyon, Antwopoloji, Sosyoloji
Diplòm:Fakilte Medsin ak Famasi, Fakilte Etnoloji
Eta sivil
Dat nesans:30 jiyè 1940
Lye nesans:Pòtoprens
Peyi nesans:Ayiti
Nasyonalite : ayisyen


Gade kouman pou ou konplete biyografi sa : biyografi


Ernst Mirville, rele tou Pyè Banbou, ki fèt 30 jiyè 1940 nan Pòtoprens nan depatman Lwès, se yon lengwis, yon sikològ, yon powèt ak ekriven ayisyen.

Li se manm Akademi Kreyòl Ayisyen.

Biyografi[edite | modifye sous]

Li fè klas primè li nan lekòl Janmari Giyou, tout mounn konnen sou non Teyat. Li te fè klas segondè li Seminè. Li etidye nan Inivèsite Leta Ayiti kote li pran yon diplòm nan medsin nan lane 1966 (Fakilte Medsin ak Famasi) ak yon lòt nan Antwopoloji-Sosyoloji (Fakilte Etnoloji) nan lane 1971.

Nan lane 1987 Ernst Mirville te manm premye Konsèy Elektoral Pwovizwa peyi a. Nan lane 2000 li te vin prezidan Konsèy Elektoral ki te organize eleksyon ki te mennen Prezidan Aristid sou pouvwa a youn dezyèm fwa. Mirville te viv prensipalman kòm medsen epi kòm chèchè. Li patisipe nan plizyè òganizasyon kiltirèl ak sosyal ː li kreye G.N.A.F.(Gwoup Nasyonal Afabetizasyon ak Fòmasyon), M.T.O. (Mouvman Teyat Ouvriye), Inyon Entènasyonal Ayisyen. Nan lane 1965, li lanse òganizasyon Mouvman Kreyòl la ki te pral debouche sou kreyasyon Emisyon Solèy, Sosyete Koukouy, Lanbi Klib, Gonbo Klib, Koleksyon Koukouy, ASKONNA (Asosyasyon Konbit Natif-Natal), G.R.E.K.A. (Gwoup Etid ak Rechèch Kreyòl Ayisyen).

Li te direktè nan Enstiti Lengistik Aplike ak Kilti Afwo-Karayibeyen (E.L.A.K.A.K.). Li te deja prevwa kreyasyon selebrasyon jounen entènasyonal kreyòl. Ekip Mouvman Kreyòl la te gen yon baz teyorik pou bay pwezi kreyòl la eskanp. Li pwodui pi plis liv lengwistik pase pwezi. Travay teyorik li yo parèt tou nan liv ki rele Rechèch (1979). Li ekri rekèy pwezi adapte istwakont Lafontèn yo. Li pwopoze pwezi wongòl ak pwezi sou fòm kontchante.

Li se yon lengwis, yon sikyat, yon powèt epi yon teyorisyen literè anndan Mouvman kreyòl Ayiti a. Ernst Mirville ekri woman, gramè kreyòl ak plizyè atik nan jounal ak nan revi.

Tanbou Literè te pwopoze kandidati Ernst Mirville kòm Akademisyen.

Zèv li yo[edite | modifye sous]

  • 1965 ː Cahier kreyòl No 1
  • 1974 ː Deviz (Pwezi)
  • 1979 ː Rechèch (esè / pwezi)
  • 1979 ː Eléments de lexicographie bilingue : créole-français
  • 1985 ː Tim-Tim (Fab) 1973, 1985
  • 1984 ː Grammaire Créole Comparée
  • 1984 ː Siwolin, Leson kreyòl pou etranje ki pale franse
  • 1988 ː Cahier Kreyòl No 2 (Manifès Mouvman kreyòl), Face à Face
  • 1998 ː Similak (tradiksyon woman Fernand Hibbert)
  • 2000 ː Kaye kreyòl No 3
  • BILAP (Bilten Institi Lenguistik Aplike Pòtoprens)
  • 2012 ː Christophe Charles : un poète guédé

Referans[edite | modifye sous]

Lyen deyò[edite | modifye sous]