Eleksyon palmantè ayisyèn an 1911

Biyografi
Eleksyon palmantè ayisyèn an 1911
Pati Liberal : 41 Pati Nasyonal : 53 PRR : 17
Eleksyon avan : 1908 Pwochen eleksyon : 1914
modifye

Eleksyon palmantè ayisyèn an 1911, 10 desanm 1911 yo te fèt nan yon kontèks politik ki te make pa gwo tansyon e pa parèt yon nouvo pati politik : Pati Repibliken Refòm (PRR)^[1]. Malgre nouvo fòs sa a, Pati Nasyonal ak Pati Liberal^[2], de ansyen pati istorik yo, te kontinye domine politik la^[3].

Konteks politik

Depi plizyè dizèn lane, Ayiti ap viv nan konfli politik ant nasyonalist ak liberal. An out 1911, apre plizyè mouvman manifestasyon popilè, prezidan Antoine Simon, ki te soti nan Pati Liberal, te oblije bay demisyon li.

Depa li a te louvri chemen pou yon nouvo batay pou pouvwa a. Pati Nasyonal te pwofite labilite a pou fè eli kandida li a, Cincinnatus Leconte, kòm prezidan, men li te pase de justès nan Asanble Nasyonal la^[4].

Nan mitan dezòd sa a, yon nouvo fòs politik parèt : Pati Repibliken Refòm (PRR). Pati sa a te mete ansanm ansyen manm Pati Nasyonal ak Pati Liberal, men li te opoze ak Konstitisyon ki an vigè a. PRR te vle yon rejim ki pi prezidansyèl pase sistèm palmantè a. Li te defann gwo refòm pou ranfòse Leta epi mete fen nan kriz politik ki t ap boulvèse peyi a depi plis pase 20 ane.

Rezilta yo


Pati politik		Senatè	Depite	Total
	Nasyonal	16 (=)	37 (=)	53 (=)
	Liberal	14 (- 9)	27 (- 8)	41 (- 17)
	PRR	9 (Nv.)	8 (Nv.)	17 (Nv.)

Total		39	72	111

Konsekans

Aparisyon PRR lan chanje dinamik politik la, men li pa anpeche Pati Nasyonal kenbe pouvwa li. Pati Nasyonal kontinye gen menm kantite plas li te genyen nan eleksyon 1908 yo epi li rete fòs politik ki gen plis pouvwa. Sepandan, parèt yon twazyèm pati vin boulvèse ekilib politik la epi montre ke yon pati nan elit politik la vle refòm.

Menm si Pati Nasyonal genyen eleksyon yo, kriz politik la kontinye. Divizyon ap pèrsiste ant sa yo ki vle yon Leta ki pi prezidansyèl ak sa yo ki vle kenbe sistèm palmantè a, sa ki kontinye bay peyi a labilite.

Referans

Achiv Palman Ayisyèn.

↑ « Rosalvo Bobo, une plume militante à découvrir » (in anglais). Retrieved 2025-03-10.
↑ « Malgré Les bonnes dispositions, le nouveau président Boirond Canal ne trouva pas le soutien du Parti libéral à la Chambre des députés. «Le pouvoir aux plus capables» était le slogan de ce parti politique. Son chef, Boyer Bazelais, le principal concurrent du président, était le petit-fils du général Jean-Pierre Boyer et de Joute Lachenais. » (in français). Retrieved 2025-03-10.
↑ « Haïti - Constitution du 9 octobre 1889. ». Digithèque, Jean-Pierre Maury.
↑ TANIS, Pierre Emmanuella (2020-07-24). « 24 juillet 1911. Cincinnatus Leconte s’autoproclame “chef de la révolution”. - Juno7 » (in français). Retrieved 2025-03-10.

Lyen deyò

[1] « Rosalvo Bobo, une plume militante à découvrir » (in anglais). Retrieved 2025-03-10.

[2] « Malgré Les bonnes dispositions, le nouveau président Boirond Canal ne trouva pas le soutien du Parti libéral à la Chambre des députés. «Le pouvoir aux plus capables» était le slogan de ce parti politique. Son chef, Boyer Bazelais, le principal concurrent du président, était le petit-fils du général Jean-Pierre Boyer et de Joute Lachenais. » (in français). Retrieved 2025-03-10.

[3] « Haïti - Constitution du 9 octobre 1889. ». Digithèque, Jean-Pierre Maury.

[4] TANIS, Pierre Emmanuella (2020-07-24). « 24 juillet 1911. Cincinnatus Leconte s’autoproclame “chef de la révolution”. - Juno7 » (in français). Retrieved 2025-03-10.

[1]

[2]

[3]

[4]