Pyè

Depi Wikipedya, ansiklopedi lib
Ale nan: Navigasyon, Fouye

thumb|200px|Apostle Peter Pyè, Sen Pyè (mouri nan ane 67 aprè J.K.), youn nan douz Apòt Jezi yo. Li avèk Andre frè li se te pèchè d pwason pa profesion, moun peyi Galile, abitan vil Kapenayoum. Non Pyè se te Simon. Lè Jezi te fèk ap kòmanse ministè-l, li te chwazi ni li ni Andre pou disip li. Se aprè Jezi te fin rele yo pou kite profesion yo, epi swiv li, li te vin bay Simon non Sefas la, mo lang Arameyik. Mo Sefas la ekivalan avèk mo Grèk petròs (πέτρος), Pyè, oubien ròch. Pi ta, Jezi te vin distenge Pyè ansanm ak Andre avèk tit apòt la—pami yon group de douz gason Jezi te chwazi pou ede Li nan travay Levanjil la. Pyè distenge toujou kòm sèl nan disip Jezi yo ki mache sou dlo (cf. Mat. 14.28-31). Se te Pyè ki te premie proklame Jezi kòm Kris (cf. Mak 8.29, Mat. 16.16). Malerezman, pita, malgre li te jire ke li pa t’ap jamè kite Jezi kèlkeswa sa ki ta vin rive (Lik 22.33), men aprè arestasion Jezi, lè moun mande li si li rekonèt Jezi, èske l se pa youn nan disip Jezi yo, li te di non, denonse Jezi (Lik 22.56-61). Jezi, aprè resisitasion li, te restore konfians Pyè. Avèk nouvo zèl e enspirasion, Pyè proklame Jezi kòm Sovè avèk fòs e konvision, nan la vil Jerizalè, e atravè mond ansien an.

Commons-logo.svg
Wikimedia Commons genyen dokiman
medya, imaj, video sou: