Labadee

Depi Wikipedya, ansiklopedi lib
Ale nan: Navigasyon, Fouye

Labadi (Labadie an fransè, Labadee an anglè se youn ki trouve l' nan kòt peyi Ayiti. Li se youn plaj ak otèl prive, se kompayi ki rele Royal Caribbean International ki mèt li. Depi nan lane 1986 se Royal Caribbean International ki mennen plis touris nan peyi a, li bay 300 moun travay, e li pèmet plis pase 200 lòt vann machandiz yo nan lokal la, e li peye leta Ayisyen 6 dola ameriken pou chak touris ki rantre.[1]

Plaj la regle zafè touris sèlman, li gen youn kompayi sekirite prive. Yo bare plaj la nèt, e yo pa pèmèt paseje yo al lòt kote. Anplis gen mòn ki bare l' ak rès peyi a[2]. Yo pèmèt youn gwoup Ayisyen mete biznis yo ak vann machandiz nan plaj la. Kèk lè yo konn di nan reklam Labadi se youn zile, Aktyèlman li se youn preskil nan zanviwon zile Hispaniola. Yo t'ap fè pò ki te ka resevwa gwo bato tankou Oasis class ships, ki ta dwe prè pou finisman lane 2009.[3]

Nou ka jween mache anbilan, plaj, espò sou dlo, zip-line.[4]

Listwa[edite | modifier le wikicode]

Nan lane 1991, youn jounalis di, yo pa di touris ki rive Labadi yo se Ayiti yo ye.[5][6]

Nan novanm 2001, youn gwoup bandi atake youn gwoup touris Labadee, ta sanble yo te vle volè. Polis Nasyonal Peyi dAyiti te arete bandi yo[7]

Nan fevriye 2004, Royal Caribbean te fè youn ti kanpe sou aktivite l' yo paske te gen pwoblèm politik nan peyi a.[8] Men kounye a tout bagay nòmal, Royal Caribean tounen nan aktivite l.

Nan lane 2009, Royal Caribbean depanse 55 milyon dola ameriken pou chanje imaj plaj la, e fè l' pi gwo nan lide pou resevwa pi gwo bato kwazyè.[9]

Nan mwa janvye 2010, aprè gwo tranbleman de tè a 12 janvye a, Royal Caribbean deside kontinye tout aktivite de liks yo nan plaj la. Konpayi a anonse ke l' t'ap bay youn milyon dola ameriken nan efò pou ede viktim yo.[10]

Kote mo sa sòti[edite | modifier le wikicode]

Non Labadie a sòti nan non youn Fransè ki te rele Marquis de La Badie, se li ki te premye moun ki te mete pye l' nan zòn sila bò lane 1600 yo. Yo chanje l' a Labadee pou moun ki pale anglè yo te ka pwononse l'[11].

Referans[edite | modifier le wikicode]

External links[edite | modifier le wikicode]

Labadee beach, Haïti, close to Cap-Haïtien.